30 April 2019 - 12:52
News ID: 440292
فونت
مندوب مجید تخت روانچی:
اقوام متحدہ میں اسلامی جمہوریہ ایران کے مستقل مندوب نے کہا ہے کہ مشرق وسطی کو اصل خطرہ صہیونیوں کے ناجائز قبضے سے ہے جبکہ امریکہ کی نام نہاد دھمکیوں کا مقصد بھی مسئلہ فلسطین سے دنیا کی توجہ ہٹانا ہے۔

رسا نیوز ایجنسی کی رپورٹ کے مطابق اقوام متحدہ میں اسلامی جمہوریہ ایران کے مستقل مندوب مجید تخت روانچی نے سلامتی کونسل کے اجلاس سے خطاب کرتے ہوئے عالمی برادری سے مطالبہ کیا کہ وہ مسئلہ فلسطین کی حقیقت کو مسخ کرنے کی امریکہ اور ان کے بعض اتحادیوں کی کوششوں کو ناکام بنائے۔

مجید تخت روانچی نے مزید کہا کہ امریکہ اور اس کے اتحادی مسئلہ فلسطین کو ایک نام نہاد خطرہ قرار دے رہے ہیں جس کے خلاف دنیا کو مزاحمت کرنی ہوگی۔

انہوں نے کہا کہ امریکہ کی خارجہ پالیسی بالخصوص موجودہ انتظامیہ میں ٹرمپ کے انتخاباتی نعرے کے برعکس امریکہ ترجیح نہیں بلکہ اسرائیل پہلی ترجیح ہے جس کی خاطر امریکہ ہر حد پار کرنے کے علاوہ بین الاقوامی قوانین کو بھی سراسر نظرانداز کررہا ہے۔

ایرانی مندوب نے مزید کہا کہ القدس، فلسطین کا دارالحکومت ہے اور رہے گا اور اس حقیقت کے دفاع کے لئے عالمی برادری بالخصوص دیگر تنظیموں کو چاہئے کہ وہ آگے بڑھیں۔

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬