05 November 2018 - 14:43
‫نیوز‬ ‫کوڈ‬: 437572
فونت
اسلامی جمہوریہ ایران نے بحرین کی نام نہاد عدالت کی جانب سے جمعیت الوفاق کے سربراہ شیخ علی سلمان کو عمر قید کی سزا دینے کی شدید مذمت کی ہے۔
بہرام قاسمی

رسا ںیوز ایجنسی کی رپورٹ کے مطابق،  اسلامی جمہوریہ ایران نے بحرین کی اپیلٹ کورٹ کی جانب سے نامور اپوزیشن رہنما اور الوفاق تحریک کے سیکریٹری جنرل شیخ علی سلمان کو عمر قید کی سزا دینے کی شدید مذمت کی ہے۔

بہرام قاسمی کا کہنا ہے کہ بحرینی حکومت اغیار پر انحصار کرنے کے بجائے اپوزیشن کے ساتھ سنجیدگی سے مذاکرات کرے.

انہوں نے کہا کہ بحرینی حکومت اپنے شہریوں کے مطالبات پر غور کرتے ہوئے ان کے خلاف غیرمنصفانہ فیصلے اور احکامات سے گریز کرے.

یاد رہے کہ بحرینی کورٹ نے گزشتہ روز ملک کی بڑی اپوزیشن جماعت الوفاق تحریک کے سربراہ شیخ علی سلمان کی بریت کے حکم کو کالعدم قرار دیتے ہوئے انھیں عمر قید کی ساز سنائی ہے.اس کے علاوہ سابق بحرینی پارلیمنٹ کے اراکین حسن سلطان اور علی الاسود کو بھی عمر قید کی سزائیں سنائی گئی ہیں.

واضح رہے کہ  جمعیت الوفاق کے سربراہ شیخ علی سلمان اور بحرین کی پارلمینٹ میں جمعیت الوفاق کے دو سابق اراکین کے خلاف اپیل کورٹ نے اتوار کے روز کیس کی سماعت کی اور شیخ علی سلمان کے ساتھ ساتھ ان دونوں سابق پارلیمانی اراکین کے خلاف بھی عمر قید کی سزا کا حکم سنا دیا۔

بحرین کی نام نہاد عدالت نے تینوں افراد پر قطر کے لئے جاسوسی کرنے کا الزام عائد کیا جبکہ کوئی ثبوت یا گواہ تک پیش نہیں کیا گیا۔

یاد رہے کہ بحرین میں چودہ فروری دو ہزار گیارہ سے آل خلیفہ حکومت کے خلاف پرامن احتجاج کا سلسلہ جاری ہے جبکہ آل خلیفہ حکومت مخالفین کو طاقت کے بل پر کچلنے کی کوشش کر رہی ہے۔ /۹۸۸/ ن۹۴۰

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬
تازه ترین خبریں
مقبول خبریں