‫‫کیٹیگری‬ :
29 January 2019 - 13:12
News ID: 439639
فونت
یبر پختونخوا حکومت نے صوبے میں پرائمری لیول پر ایک کروڑ 30 لاکھ روپے کے فنڈز سے ہولی فونک قران (تجویدالقرآن) کی تربیت دینے کا آغاز کردیا ہے۔

رسا نیوز ایجنسی کی رپورٹ کے مطابق یبر پختونخوا حکومت نے صوبے میں پرائمری لیول پر ایک کروڑ 30 لاکھ روپے کے فنڈز سے ہولی فونک قران (تجویدالقرآن) کی تربیت دینے کا آغاز کردیا ہے۔

صوبہ بھر کے 23 ہزار پرائمری مردانہ و زنانہ اسکولوں کی سطح پر ایک استاد/استانی کو تین روزہ تربیت دی جائے گی۔

سابق صوبائی حکومت نے صوبے میں پرائمری سے ایف اے، ایف ایس سی تک اسکولوں میں قرآن کو لازمی قرار دیئے جانے کے بعد اب صوبائی حکومت نے تجویدالقرآن کی تربیت کا آغاز کردیا ہے۔

اس تربیت کا نام ہولی فونک قرآن رکھا گیا ہے یہ نام 2018ء میں برطانیہ سے آئے ہوئے انگریزی تلفظ میں تربیت دینے والے جولی کے تربیتی نام سے لے کر رکھا گیا ہے۔

جولی نے اپنی انگریزی تربیت کو جولی فونک انگلش رکھا تھا جس پر محکمہ تعلیم نے اس تربیت کو ہولی فونک قرآن (Holy fonic quraan) کا نام دیا ہے، جس کیلئے پراونشل انسٹیٹیوٹ آف ٹیچر ایجوکیشن (PITE) نے صوبہ بھر میں 561 ماسٹر ٹرینرز تیار کئے ہیں۔

تین روزہ تربیت دینے کیلئے ہر ماسٹر ٹرینر کو 3 ہزار روپے روزانہ کے حساب سے دیئے جائیں گے۔ اس کے ساتھ ساتھ 18 کلو میٹر کے فاصلے پر ٹریننگ پر جانے کیلئے سفری اخراجات بھی دیئے جائیں گے۔/۹۸۹/ف۹۴۰/

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬