‫‫کیٹیگری‬ :
28 February 2019 - 22:46
News ID: 439868
فونت
حجت الاسلام راجہ ناصر عباس جعفری :
مجلس وحدت مسلمین پاکستان کے سربراہ نے کہا کہ عرب ممالک کی ہندوستان سے رسمی و خفیہ تعلقات باعث افسوس ہیں۔ محمد بن سلمان اور محمد بن زائد دونوں ایک ہی سکہ کہ دو رخ ہیں ۔

رسا نیوز ایجنسی کی رپورٹ کے مطابق مجلس وحدت مسلمین پاکستان کے سربراہ حجت الاسلام راجہ ناصر عباس جعفری نے ایم ڈبلیو ایم مرکزی کابینہ کے اجلاس سے خطاب کرتے ہوئے کہا کہ مجلس وحدت مسلمین کا ملک گیر یوم دفاع مادر وطن منانے کا اعلان ،مادر وطن کے محافظوں سے اظہار یکجہتی کے لئے اور کشمیری بھائیوں سے اظہار یکجہتی کےلئے بروز جمعہ ملک بھر میں عوامی ریلیاں نکالی جائیںگی۔

انہوں نے کہا کہ ہندوستان کی جنگی جنون کے جواب میں پاکستان ایئر فورس کی کاروائی قومی غیرت اور جرت کی ترجمانی تھی ۔ ہم پاک افواج کے جری جوانوں کو خراج تحسین پیش کرتے ہیں ۔ہم شہید پرور قوم ہیںراجہ ناصر عباس جعفریکہ وہ پاکستان کی طرف میلی آنکھ سے دیکھے ۔

بروز جمعہ ملک بھر کی مساجد میں پاک افواج کی کامیابیوں اور ملکی سلامتی کے لئے خصوصی دعائیں کی جائیں گی وطن کے محافظوں اور کشمیری بھائیوں سے اظہاریکجہتی کے لئے ملک بھر میں عوامی ریلیاں نکالی جائیں گی ۔ ہندوستان کی جنگی جنونیت اور جارحیت کے خلاف احتجاج بھی کیاجائے گا۔

علامہ راجہ ناصر عباس نے اسلامی کانفرنس تنظیم دبئی کہ اجلاس میںہندوستانی وزیر خارجہ کو بھی بحیثیت مبصر مدعو کئے جانے کی شدید مذمت کی اور کہا کہ پاکستان کو ھندوستانی وزیر خارجہ کی شرکت کی صورت میں اس اجلاس کا بائیکاٹ کرنا چاہیے۔ عرب ممالک کی ہندوستان سے رسمی و خفیہ تعلقات باعث افسوس ہیں۔ محمد بن سلمان اور محمد بن زائد دونوں ایک ہی سکہ کہ دو رخ ہیں اور انہوں نے ھندوستان کو اسلامی کانفرنس تنظیم کہ اجلاس میں مدعو کرکے پاکستان کی پشت پہ خنجر گھونپا ہے ۔عوامی ریلیوں کے حوالے سے ایم ڈبلیو ایم مرکزی سیکرٹریٹ نے تمام اضلاع میں جماعت کے قائدین کو خصوصی ہدایت جاری کر دی ہیں ۔

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬