24 March 2019 - 15:57
‫نیوز‬ ‫کوڈ‬: 440045
فونت
امریکی و سعودی حمایت یافتہ دہشت گردوں نے حماہ کے ایک علاقے پر کیمیائی ہتھیاروں سے حملہ کیا ہے۔

رسا نیوز ایجنسی کی رپورٹ کے مطابق شام کی سرکاری خبر رساں ایجنسی نے رپورٹ دی ہے کہ دہشت گردوں نے حماہ کے ایک علاقے پر کیمیائی ہتھیاروں سے حملہ کیا ہے۔

موصولہ رپورٹ کے مطابق دہشت گردوں کی جانب سے کئے جانے والے اس کیمیائی حملے میں کم از کم چوبیس افراد بری طرح سے متاثر ہوئے ہیں۔

شام کے الاخباریہ ٹی وی کی رپورٹ میں بتایا گیا ہے کہ زہریلی گیس کے نتیجے میں متاثر ہونے والے ان افراد کو اسپتال منتقل کر دیا گیا۔

قابل ذکر ہے کہ دہشت گرد اس سے قبل بھی شام کے مختلف علاقوں منجملہ حلب، خان شیخون اور غوطہ شرقی پر کیمیائی حملے کر چکے ہیں جبکہ ایک سازش کے تحت ان حملوں کا ذمہ دار دمشق کی حکومت کو قرار دیا گیا تھا تاکہ شام کے خلاف فوجی کارروائی کا جواز فراہم کیا جا سکے۔

بیشتر ماہرین کا کہنا ہے کہ شام پر کیمیائی ہتھیاروں کے استعمال کا الزام رائے عامہ کو گمراہ اور حقائق کو تبدیل کرنے کی کوشش ہے اور مخالفین، دہشت گردوں کے مقابلے میں شامی فوج کی کامیابیوں کے مقابلے میں بالکل بے بس ہو چکے ہیں۔

واضح رہے کہ امریکہ اور اس کے اتحادیوں کو شام میں دہشت گردوں کی شکست پر گہری تشویش لاحق ہے۔ اور دہشت گردوں کی مسلسل شکست کیمیائی حملہ کرنے کی وجہ بنی ہے ۔

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬
تازه ترین خبریں
مقبول خبریں