03 April 2019 - 16:51
News ID: 440087
فونت
امریکی کانگریس نے سعودی عرب کے مجوزہ ایٹمی پروگرام پر تشویش اور حکومت سے ایٹمی ٹیکنالوجی ریاض منتقل نہ کرنے کا مطالبہ کیا ہے۔

رسا نیوز ایجنسی کی رپورٹ کے مطابق، امریکی سینیٹروں مارکو روبیو اور باب منذر نے حکومت سے مطالبہ کیا ہے کہ وہ سعودی عرب کے ساتھ ایٹمی تعلقات پر نظر ثانی کرے۔

باب منذر اور مارکو روبیو نے امریکی وزیر توانائی رک پیری سے بھی مطالبہ کیا کہ وہ واشنگٹن اور ریاض کے درمیان جاری ایٹمی تعاون کو شفاف بنائیں۔

امریکی کانگریس نے گزشتہ ماہ کی پہلی تاریخ کو ایک بل کے ذریعے سعودی عرب کو ایٹمی آلات کی فروخت کو کانگریس کی اجازت سے مشروط کردیا تھا۔اٹھائیس مارچ کو امریکی وزیر توانائی نے اعلان کیا تھا کہ سعودی عرب کو ایٹمی آلات کی فروخت سے متعلق چھے لائسنس جاری کردیئے گئے ہیں۔

امریکہ نے ایٹمی معاملے پر دوغلی پالیسی اپنا رکھی ہے۔ آئی اے ای کی جانب سے متعدد بار اس بات کی تصدیق کے باوجود کہ ایران ایٹمی معاہدے پر عمل کر رہا ہے امریکہ ایٹمی معاہدے سے یکطرفہ طور پر نکل گیا جبکہ سعودی عرب کو ایٹمی ہتھیاروں سے لیس کرنے کی کوشش کر رہا ہے۔ /۹۸۸/ ن

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬