01 June 2019 - 17:02
‫نیوز‬ ‫کوڈ‬: 440507
فونت
صاحبزادہ حامد رضا :
سنی اتحاد کونسل پاکستان کے چیئرمین نے کہا کہ اسرائیل ایک ناجائز اور دہشت گرد ریاست ہے۔

رسا نیوز ایجنسی کی رپورٹ کے مطابق سنی اتحاد کونسل پاکستان کے چیئرمین صاحبزادہ حامد رضا نے یوم القدس“ کے سلسلہ میں جامعہ رضویہ میں اجتماع سے خطاب کرتے ہوئے کہا ہے کہ قبلہ اوّل پر یہودیوں کا قبضہ امت مسلمہ کی غیرت کیلئے چیلنج ہے۔ مسلم حکمران مظلوم و محکوم فلسطینیوں کیلئے مشترکہ آواز اٹھائیں۔ اسرائیل فلسطینی مسلمانوں کی نسل کشی کر رہا ہے۔

انہوں نے یبان کیا کہ اقوام متحدہ مسئلہ فلسطین کے حل کیلئے اپنا کردار ادا کرے۔ فلسطین کی آزادی کیلئے جنگ لڑنے والے فلسطینی فریڈم فائیٹرز امت مسلمہ کے ہیروز ہیں۔

اسرائیل ایک ناجائز اور دہشت گرد ریاست ہے۔ پاکستان کے مسلمان مظلوم فلسطینیوں کے ساتھ ہیں۔ امت مسلمہ کا اتحاد وقت کی اہم ضرورت ہے۔ قبلہ اوّل کی آذادی کے لئے وحدت امت ضروری ہے۔ 

صاحبزادہ حامد رضا نے مزید کہا کہ فوج نے اپنے افسروں کو عبرت ناک سزا دے کر خود احتسابی کی بڑی مثال قائم کی ہے۔ محسن داوڑ اور علی وزیر بھارت کی زبان بول رہے ہیں۔ ریاست مخالف بیانیہ نہیں چل سکتا۔ پی ٹی ایم تعصب پھیلا کر ملک کا امن تباہ کرنا چاہتی ہے۔

قوم اپنی بہادر افواج کے ساتھ کھڑی ہے۔ فوج اور عوام کا رشتہ کمزور نہیں کیا جا سکتا۔ پاک فوج نے قبائلیوں کو دہشت گردوں سے نجات دلانے کے لئے بے مثال قربانیاں دی ہیں۔ امریکہ، بھارت اور اسرائیل پاکستان کے خلاف سازشوں میں مصروف ہیں۔ اس وقت ملک کو قومی یکجہتی کی ضرورت ہے۔

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬
تازه ترین خبریں
مقبول خبریں