27 June 2019 - 13:08
‫نیوز‬ ‫کوڈ‬: 440677
فونت
حجت الاسلام سید جواد نقوی :
تحریک بیداری امت مصطفیٰ کے سربراہ نے کہا کہ امام خمینی رہ کی آواز دنیا کی ان طاقتوں کے خلاف تھی، جو اسلام کی حقیقی تعلیمات کو مسخ کرکے دنیا بھر میں اسلام کی شکل میں من پسند مذہب کا اجراء چاہتے تھے ۔

رسا نیوز ایجنسی کی رپورٹ کے مطابق تحریک بیداری امت مصطفیٰ کے سربراہ حجت الاسلام سید جواد نقوی نے تحریک بیداری امت مصطفیٰ کی جانب سے نشتر پارک میں اتحاد و و حدت کانفرنس بمناسبت برسی امام خمینی رہ میں خطاب کرتے ہوے کہا : امام خمینی وہ عظیم عالمی اسلامی رہنما تھے، جنہوں نے امت مسلمہ کو استعماری طاقتوں کی آنکھوں میں آنکھیں ڈال کر بات کرنے کا درس دیا ۔

انہوں نے وضاحت کرتے ہوئے کہا : امام خمینی رہ کی آواز دنیا کی ان طاقتوں کے خلاف تھی، جو اسلام کی حقیقی تعلیمات کو مسخ کرکے دنیا بھر میں اسلام کی شکل میں من پسند مذہب کا اجراء چاہتے تھے، امام خمینی نے ایران میں انقلاب برپا کرکے اڑھائی ہزار سالہ شہنشاہیت کو سرنگوں اور رعونت و تکبر کے بت کو پاش پاش کیا اور امت مسلمہ کو بتایا کہ جہاں بھی اسلام کے تشخص کو خطرہ ہو، اس طرح توحید کا پرچار کیا جائے، ان کا انقلاب اللہ کی زمین پر اللہ کے قانون کو نافذ کرنے کے لئے تھا۔

سید جواد نقوی نے بیان کیا : امام خمینی رہ اللہ کے نظام توحید اور ربوبیت کے نظام پر کامل یقین اور ایمان رکھتے تھے، ان کا ایمان تھا کہ اس کائنات میں سب سے بڑی طاقت اور قدرت اللہ کی ذات ہے اور اسی پر توکل کرنا چاہیئے۔

انہوں نے کہا کہ امام خمینی نے ناموس دین کے دفاع کے لئے آواز بلند کی، ناموس دین کے دفاع کا یہ تقاضہ ہے کہ دین کتابوں اور الماریوں میں بند نہ رہے بلکہ دین کی اصلی تعلیمات محفوظ بھی رہیں اور معاشرے پر اللہ کے دین اور قانون کو نافذ بھی کیا جائے۔

علامہ جواد نقوی نے وضاحت کی : امام خمینی نے اس کام کے لئے اپنے آپ کو آمادہ کیا، سیر و سلوک اور تہذیب نفس کے مراحل طے کئے، عظیم ترین اساتیذ اور مربیوں کے زیر اثر اپنے علمی درجات کو بلندی پر لے گئے، علم و عمل کے زیور کے ساتھ ساتھ تہذیب نفس سے اپنے باطن کو بھی آراستہ کرتے رہے، جو اللہ کے نظام کو معاشرے میں نافذ کرنے کا بنیادی مرحلہ ہے، انبیاء کے نقش قدم پر چلتے ہوئے طاغوتی اور سرکش قوتوں کے ساتھ ٹکرائے اور دنیا بھر کے مظلوموں کی حمایت میں آپ نے آواز حق بلند کی۔

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬
تازه ترین خبریں
مقبول خبریں