03 September 2019 - 17:37
‫نیوز‬ ‫کوڈ‬: 441211
فونت
حجت الاسلام سید ابراہیم رئیسی :
اسلامی جمہوریہ ایران کی عدلیہ کے سربراہ نے کہا ہے کہ مسئلہ کشمیر کے بارے میں کوئی بھی درد مند انسان غافل نہیں رہ سکتا اور ہم دنیا کے سبھی قانونی عدالتی عہدیداروں سے یہ درخواست کرتے ہیں کہ وہ کشمیری عوام کے حقوق کی پامالی کی اجازت نہ دیں۔

رسا نیوز ایجنسی کی رپورٹ کے مطابق ایران کی عدلیہ کے سربراہ حجت الاسلام سید ابراہیم رئیسی نے ایران کی اعلی عدالتی کونسل کے اجلاس میں خطاب کےدوران مسئلہ کشمیر کی جانب اشارہ کرتے ہوئے ہندوستان اور پاکستان کی حکومتوں سے کہا ہے کہ وہ کشمیری عوام کے حقوق کا احترام کریں۔

کشمیرکا کچھ حصہ ہندوستان میں اور کچھ حصہ پاکستان میں ہے۔ حکومت ہندوستان نے گذشتہ پانچ اگست کو جموں کشمیر کی خصوصی حیثیت ختم کرتے ہوئے وادی میں کرفیو نافذ کردیا ہے۔

کشمیری عوام نے نئی دہلی کے اس فیصلے کو اپنے خلاف اعلان جنگ قراردیا ہے۔

ایران کی عدلیہ کے سربراہ نے اپنے خطاب میں ایران کے ساتھ مذاکرات کی امریکی کوشش کا بھی ذکر کرتے ہوئے کہا کہ ایران کی اسلامی جمہوری حکومت نے بارہا اعلان کیا ہے کہ ایران کے خلاف پابندیوں کا خاتمہ اور اقتصادی رکاوٹوں کو برطرف کرنا ہر طرح کے مذاکرات کی پہلی شرط ہے۔

انہوں نے کہا کہ ایرانی عوام امریکا کی غیر قانونی پابندیوں اور دباؤ میں آکر اپنے اصولوں اور امنگوں سے پیچھے نہیں ہٹیں گے۔

عدلیہ کے سربراہ کا کہنا تھا کہ آج امریکا اور یورپ کو عملی طور پر ایران مخالف پابندیوں کو ختم اور اقتصادی رکاوٹوں کو برطرف کرنا ہوگا۔

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬
تازه ترین خبریں
مقبول خبریں