داعش پوری انسانیت کیلئے خطرہ ہے

رسا نیوز ایجنسی کی رپورٹ کے مطابق، جمعیت علماء پاکستان کراچی کے صدر مولانا قاضی احمد نورانی نے کراچی پریس کلب میں پریس کانفرنس سے خطاب کرتے ہوئے کہا: داعش کے حامیوں کی وطن عزیز پاکستان میں کوئی جگہ نہیں ہے ۔

انہوں نے اس بات کی تاکید کرتے ہوئے کہ  دنیائے اہلسنت کا کسی بھی دہشتگردوں سے کوئی تعلق نہیں ہے کہا: داعش پوری انسانیت کے لئے خطرہ ہے ۔

جے یو پی کراچی کے صدر نے اس بات کی جانب اشارہ کرتے ہوئے 21 ستمبر کو شہر کراچی سے علماء و مشائخ ، مزارات کے گدی نشینوں اور زعمائے ملت کی قیادت میں تحفظ مزارات ریلی نکال کر مقامات مقدسہ اور شعائراہلسّت کے تحفظ کی تحریک کا آغاز کر رہی ہے کہا: علماء ومشائخ، مزارات اولیاء، اہم سرکاری تنصیبات اور قانون کے محافظوں پر حملے ناقابل برداشت ہیں ۔