رسا نیوز ایجنسی کی رپورٹ کے مطابق، کربلائے معلی میں حضرت آیت الله سیستانی کے نمائندہ حجت الاسلام شیخ عبدالمهدی کربلائی نے محرم کے پہلے عشرے کو کامیاب بتاتے ہوئے کہا: محرم کو پورے جوش و خروش سے منائے جانے پر ہم پوری دنیا کے محبان اھل بیت اطھار علیھم السلام کا شکریہ ادا کرتے ہیں ۔
انہوں نے مزید کہا: عزاداری امام حسین (ع) آپ سے وفا و عشق حقیقی کا بیانگر ہے ۔
حضرت آیت الله سیستانی کے نمائندہ نے رسول اکرم (ص) سے منقول حدیث کی جانب اشارہ کیا اور کہا: عصر حاضر میں امام حسین (ع) پر آنسو بہانے والے رسول اکرم (ص) کی اس حدیث کا کہ آپ نے حضرت فاطمه زهرا (س) سے آپ پر آنسو بہانے والوں کی خوشخبری دی تھی کا مصداق ہیں ۔
انہوں نے عزاداری امام حسین (ع) کو بدعتوں سے دور رکھنے کی دعوت دی اور کہا: شیعہ شعائر حسینی (ع) کی ادائیگی کے ساتھ ساتھ آپ کی سیرت حسنہ اور اخلاق کی بھی پیروی کریں ۔/۹۸۸/ن۹۳۰/ک۲۰۸