رسا نیوز ایجنسی کی رپورٹ کے مطابق گزشتہ رات انقرہ میں تصویری نمائش کے افتتاح کے دوران، روسی سفیر کے قتل کے کچھ دیر ہی بعد ایک مسلح شخص نے امریکی سفارتخانے کے سامنے فائرنگ کی۔ جس کے بعد امریکہ کی وزارت خارجہ نے سیکیورٹی خدشات کے پیش نظر انقرہ، استنبول اور آدانا میں اپنے سفارتی مراکز بند کردیے۔
بعض خبری ذرائع کا کہنا ہے کہ فائرنگ کی آواز سنتے ہی پلیس کی بھاری نفری موقع پر پہنچ گئی اور حملہ آور کو گرفتار کر لیا۔ فائرنگ کے واقعے میں کسی قسم کے نقصان کی اطلاع موصول نہیں ہوئی ہے۔
امریکہ نے سفارت خانے پر فائرنگ کے واقعے کی مذمت کرتے ہوئے حفاظتی اقدامات کے پیش نظر ترکی میں اپنا سفارتخانہ اور قونصل خانے معمول کی سرگرمیوں کے لئے بند کر دیئے ہیں اور اپنے شہریوں کو بھی محتاط رہنے کی ہدایات کی ہیں۔
امریکہ کی وزارت خارجہ نے ترکی میں مقیم امریکی شہریوں کو امریکی سفارتخانے سے رجوع نہ کرنے کی ہدایت دی ہے۔/۹۸۹/ف۹۴۰/