22 December 2016 - 15:12
News ID: 425221
فونت
پاکستان کے صوبہ سندھ کے وزیراعلیٰ مراد علی شاہ کا کہنا ہےکہ چوہدری نثار پہلے سپریم کورٹ کو بتائیں کہ وہ انتہا پسندوں کے سہولت کار ہیں یا نہیں ۔
چودھری نثار

رسا نیوز ایجنسی کی رپورٹ کے مطابق مہر خبررساں ایجنسی نے ایکس پریس کے حوالے سے نقل کیا ہے کہ پاکستان کے صوبہ سندھ کے وزیراعلیٰ مراد علی شاہ کا کہنا ہےکہ چودھری نثار پہلے سپریم کورٹ کو بتائیں کہ وہ انتہا پسندوں کے سہولت کار ہیں یا نہیں، پھر ہم تنقید کریں۔

ٹنڈو آدم میں میڈیا سے بات کرتے ہوئے وزیراعلیٰ سندھ مراد علی شاہ نے کہا کہ سندھ کا نیا آئی جی پولیس 21 یا 22 گریڈ کا افسر ہوگا لیکن صوبے میں چودھری نثار کی مرضی کا آئی جی نہیں لگے گا، اگر چوہدری نثار کے کہنے پر آئی جی کا تقرر ہوا تو پھر اعتراض ہوگا۔

وزیراعلیٰ نے وفاقی وزیر داخلہ پر تنقید کرتے ہوئے کہا کہ چوہدری نثار پہلے سپریم کورٹ کو بتائیں کہ وہ انتہا پسندوں کے سہولت کار ہیں یا نہیں، پھر ہم تنقید کریں۔ ایک سوال کے جواب پر مراد علی شاہ نے کہا کہ پاناما لیکس پر بلاول بھٹو کے چار مطالبات نہیں مانے گئے تو پھر پوری تحریک چلائیں گے ۔

واضح رہے کہ آئی جی سندھ اے ڈی خواجہ اور صوبائی حکومت کے درمیان اختلافات شدت اختیار کرگئے تھے جس کے بعد وزیراعلیٰ سندھ نے آئی جی کو جبری رخصت پر بھیج دیا ۔/۹۸۹/ف۹۴۰/

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬