22 February 2018 - 16:13
News ID: 435120
فونت
نیٹو کی رکن ریاست مونٹی نیگرو میں امریکی سفارت خانے پر خودکش حملہ ہوا
امریکی سفارت خانے

رسا نیوز ایجنسی کی رپورٹ کے مطابق نیٹو کی رکن ریاست مونٹی نیگرو میں امریکی سفارت خانے پر خودکش حملہ ہوا جس میں کوئی جانی نقصان نہیں ہوا۔اطلاعات کے مطابق یورپی ریاست مونٹی نیگرو کے دارالحکومت پوٖڈ گوریکا میں امریکی سفارتخانے پر خودکش حملہ کیا گیا ہے تاہم حملہ آور کے علاوہ کسی جانی نقصان کی اطلاعات نہیں۔

امریکی وزارت خارجہ نے حملے کی تصدیق کرتے ہوئے بیان جاری کیا ہے کہ مونٹی نیگرو میں واقع امریکی سفارت خانے کی عمارت کے اندرونی کمپاؤنڈ میں دھماکہ ہوا ہے اور اس حوالے سے مقامی پولیس کو امریکی سفارتخانے کی جانب سے ہر قسم کا تعاون فراہم کیا جا رہا ہے۔

 جب کہ مونٹی نیگرو میں مقیم تمام امریکی باشندوں کو احتیاط برتنے کی تلقین اور بلاضرورت سفر کرنے سے منع کیا گیا ہے۔

پوڈ گوریکا پولیس حکام نے حملے کو خودکش قرار دیتے ہوئے کہا ہے کہ گزشتہ رات حملہ آور نے سفارت خانے کے اندرونی صحن میں پہلے دستی بم پھینکا اور پھر قریبی گلی میں جا کر خود کو بارودی مواد سے اڑا لیا تاہم سفارتخانے میں موجود تمام افراد محفوظ رہے۔/۹۸۹/ف۹۴۰/

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬