26 December 2018 - 13:36
News ID: 439446
فونت
قائد انقلاب اسلامی :
قائد انقلاب اسلامی نے اپنے ایک پیغام میں بزرگ عالم دین و فقیہ عالی قدر و مجمع تشخیص مصلحت نظام کے سربراہ آیت الله هاشمی شاهرودی کے انتقال پر تعزیت پیش کی ۔

رسا نیوز ایجنسی کی رپورٹ کے مطابق قائد انقلاب اسلامی حضرت آیت الله خامنه‌ای نے اپنے ایک پیغام میں بزرگ عالم دین و فقیہ عالی قدر و مجمع تشخیص مصلحت نظام کے سربراہ آیت الله هاشمی شاهرودی کے انتقال پر تعزیت پیش کی ۔

قائد انقلاب اسلامی حضرت آیت الله خامنہ ‌ای کے پیغام کا متن مندرجہ ذیل ہے :

بسم الله الرحمن الرحیم

انا لله و انا الیه راجعون

نہایت ہی غم و افسوس کے ساتھ بزرگ عالم دین و فقیہ عالی قدر ، مجمع تشخیص مصلحت نظام کے سربراہ آیت الله حاج سید محمود هاشمی شاهرودی رضوان الله علیہ کے انتقال کی خبر موصول ہوئی ۔

یہ افسوسناک نقصان تقریبا ایک سال سخت و دردناک بیماری کے بعد پیش آیا ہے جو ان تمام حضرات کے لئے درد و الم ہے کہ جنہوں نے ان کی قابل قدر علمی خدمات اور اسلامی نظام کی قیمتی خدمات نیز حوزات علمیہ میں فقہی و اصولی و حقوقی خدمات سے آشنا ہیں ۔

وہ حوزہ علمیہ قم کے بزرگ استاد اور اسلامی جمہوریہ ایران کے اہم عہدے پر با وفا خدمت گزار تھے ، نگہبان کونسل کے موثر ممبر اور مجمع تشخیص مصلحت نظام کے کامیاب سربراہ تھے اور اپنے بہت سارے علمی برکات عطا کئے ہیں ۔

مرحوم اسی طرح تین شہید کے بھائی اور نامور شھید و بزرگ سید محمد باقر صدر کے شاگردوں و دوستوں میں سے تھے ۔ بندہ اس مشہور عالم دین کے انتقال کی عظیم مصیبت کو ان کے محترم اہل خانہ اور ان کی محترم اولاد اور رشتہ دار اور نیز حوزات علمیہ قم اور ان کے شاگردوں اور ان کے علمی ساتھیوں اور ان کے چاہنے والوں کی خدمت میں تعزیت پیش کرتا ہوں اور خداوند کریم سے ان کے لئے رحمت و مغفرت چاہتا ہوں اور ان کے درجات میں بلندی کی دعا کرتا ہوں ۔

سیّد علی خامنہ‌ای

۲۵ دسمبر۲۰۱۸

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬