‫‫کیٹیگری‬ :
15 January 2020 - 16:08
News ID: 441934
فونت
امریکہ نے عراقی انتظامیہ کو دھمکی دی ہے کہ اگر عراق سے امریکی فوجیوں کو نکالا تو ہم نیو یارک فیڈرل بینک میں اس کے اکاؤنٹ منجمد کردیں گے۔

رسا نیوز ایجنسی کی رپورٹ کے مطابق، عراق پٹرول کی فروخت سے حاصل شدہ زرِمبادلہ کو نیویارک فیڈرل بینک میں رکھتا ہے، امریکہ کے نیویارک فیڈرل بینک نے عراق کے مرکزی بینک کے اثاثوں کی مقدار سے متعلق کوئی معلومات فراہم نہیں کیں تاہم عراق کے مرکزی بینک کے جاری کردہ حالیہ مالیاتی اعداد و شمار کے مطابق 2018 کے آخر تک بینک کے نیویارک فیڈرل بینک میں اوورنائٹ ڈپازٹ کی مقدار 3 ارب ڈالر کے لگ بھگ تھی۔

واضح رہے کہ امریکہ نے یہ دھمکی عراقی پارلیمنٹ کی جانب سے عراق سے امریکی فوج کے انخلا کے قانون کی منظوری اور عراقی عوام کی جانب سے امریکی افواج کے انخلا کے مطالبے کے بعد دی ہے۔

امریکہ خطے میں جاری عدم استحکام ، کشیدگی اور دہشت گردی کے فروغ کا اصلی سبب بنا ہوا ہے اور علاقائی عوام اور حکومتیں امریکی افواج کی موجودگی سے متنفر ہیں۔/۹۸۸/ن

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬