‫‫کیٹیگری‬ :
23 February 2020 - 20:05
News ID: 442165
فونت
اصغریہ خواتین علم و عمل تحریک پاکستان کا چوتھا سالانہ مرکزی کنونشن بعنوان تربیت اولاد و یوم فاطمہ زہرا سلام اللہ علیہا اندرون سندھ کے شہر خیرپور میرس میں اختتام پذیر ہوگیا۔

رسا نیوز ایجنسی کی رپورٹ کے مطابق اصغریہ خواتین علم و عمل تحریک پاکستان کا چوتھا سالانہ مرکزی کنونشن بعنوان تربیت اولاد و یوم فاطمہ زہرا سلام اللہ علیہا اندرون سندھ کے شہر خیرپور میرس میں اختتام پذیر ہوگیا۔

مرکزی کنونشن کے آخری روز نصرت زہرا کو اکثریت رائے سے ایک بار پھر اصغریہ خواتین تحریک کی مرکزی صدر منتخب کر لیا گیا۔

تفصیلات کے مطابق اصغریہ خواتین علم و عمل تحریک پاکستان کا چوتھے سالانہ مرکزی کنونشن کے آخری روز جلسہ عام بعنوان یوم فاطمہ زہرا سلام اللہ علہیا کا انعقاد علمدار محلہ بنگل خان چانڈیو خیرپور میرس میں کیا گیا، جس میں سندھ بھر سے اصغری خواتین نے شرکت کی، جلسے کی صدارت اصغریہ علم و عمل تحریک پاکستان کے چیئرمین انجنئیر سید حسین موسوی نے کی۔

جلسہ عام میں معلمہ طاہرہ راجپر، معلمہ بتول فاطمہ قمی، نصرت زہرا علی، اصغریہ تحریک کے مرکزی صدر سید شکیل شاہ حسینی نے خطاب کیا، اس موقع پر سال بھر میں بہترین کارکردگی پیش کرنے والے یونٹس، اضلاع اور کارکنان و رہنماؤں کو اعزازی شیلڈز اور سرٹیفکیٹ پیش کئے گئے۔

جلسہ عام کی روایت کے مطابق اصغریہ خواتین تحریک کی مرکزی صدر نصرت زہرا نے اختتامی کلمات ادا کرتے ہوئے اپنی کابینہ سمیت استعفٰی کا اعلان کیا۔

جلسے عام سے صدارتی خطاب کرتے ہوئے انجنئیر حسین موسوی نے اصغریہ خواتین تحریک کی نئی مرکزی صدر کیلئے ہونے والے الیکشن نتائج کا اعلان کیا، جس کے مطابق اکثریت رائے سے نصرت زہرا کو ایک بار پھر نئے سال کیلئے اصغریہ خواتین علم و عمل تحریک کی مرکزی صدر منتخب کر لیا گیا۔

اصغری خواتین کارکنان نے پُرجوش انداز سے نومنتخب مرکزی صدر نصرت زہرا کا استقبال کرتے ہوئے انہیں اسٹیج تک پہنچایا، جہاں ان سے حلف وفاداری لیا گیا۔

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬