ٹورنٹو ميں شديد سردي کے باوجود :
رسا نيوز ايجنسي ـ ٹورنٹو ميں شديد سردي کے باوجود اپنے خصوصي انداز ميں شاندار جلوس چہلم حضرت امام حسين عليہ السلام برآمد ہوا ?
رسا نيوز ايجنسي کے رپورٹ کے مطابق ٹورنٹو ميں گزشتہ سالوں کي طرح امسال بھي شان دار چہلم حضرت امام حسين عليہ السلام 18 صفر بروز اتوار 23 جنوري کو برآمد ہوا ?
اس سال گزشتہ سالوں کي نسبت اس روز موسم انتہائي سرد تھا اور سردي کي شدت منفي تيس درجہ تک پہونچي ہوئي تھي ، اس کے باوجود پورے انٹاريو سے ہزاروں شيعيان حيدر کرار نے جوق در جوق جلوس ميں شرکت کي جلوس دن کے ٹھيک ڈھائي بجے برآمد ہوا ?
جلوس سے قبل مجلس عزا منعقد ہوئي جس ميں سوز خواني شہريار علي نقوي نے کي اس کے بعد کراچي سے تشريف لاے ہوے انتہائي معروف عالم دين مولانا عو ن محمد نقوي صاحب نے مجلس سے خطاب کيا ?
عون محمد نقوي نے مجلس سے خطاب کرتے ہوے کہا : امام حسين عليہ السلام اور آپ کے باوفا و جان نثار ساتھيوں نےعظمت دين اسلام کو بچانے کي خاطر ميدان کربلا ميں انتہائي سخت ترين حالات کا مقابلہ کرتے ہوے اپني جانيں راہ خدا ميں پيش کيں اور آج ہم اسي قرباني کي ياد ميں ٹورنٹو کے انتہائي سرد ترين موسم ميں بھي اپنے گھروں سے باہر نکل کر جلوس عزا ميں شرکت کر کے نذرانہ عقيدت پيش کر رہے ہيں ?
مجلس کے بعد جلوس عزا برآمد ہوا جو اپنے مقررہ راستوں سے ہوتا ہوا شام 5 بجے حسينيہ پاسمور پر اختتام پزير ہوا ، جہاں حسيني پروانوں نے منفي تيس درجہ حرارت ميں امام بارگاہ کے باہر کھلے آسمان کے نيچے الوداعي ماتم کيا .
تبصرہ بھیجیں
برای مہربانی اپنے تبصرے میں اردو میں لکھیں.
قوانین ملک و مذھب کے خالف اور قوم و اشخاص کی توہین پر مشتمل تبصرے نشر نہیں ہوں گے