رسا نیوز ایجنسی کی رپورٹ کے مطابق، اسلامی جمھوریہ ایران کے صدر مملکت حجت الاسلام و المسلمین ڈاکٹر حسن روحانی نے عالمی یوم سیاحت کی مناسبت سے ایک تقریب سے خطاب میں ملک کی ترقی و پیشرفت میں صنعت سیاحت کی اہمیت پر تاکید کی ہے ۔
انہوں نے اپنے بیان میں صنعت سیاحت کو ملک کی ترقی و پیشرفت کے بنیادی ستونوں میں شمار کیا اور کہا: اسلامی جمہوریہ ایران پرکشش قدرتی، جغرافیائی، تاریخی اور ثقافتی مراکز کے لحاظ سے دنیا کے دس اور بعض لوگوں کے مطابق پانچ اہم ملکوں میں شمار ہوتا ہے ۔
ڈاکٹر روحانی نے اس بات کی جانب اشارہ کرتے ہوئِے کہ ایران کے ثقافتی آثار قدیمہ ایرانی قوم کی کئی ہزار سالہ تہذیب و تمدن کے مظاہر ہیں کہا : اسلامی جمہوریہ ایران قومی مذہی، لسانی اور آداب و رسوم کے تنوع کے لحاظ سے سیاحوں کے لئے پرکشش علاقوں میں شامل ہے ۔
انہوں نے اپنے خطاب کے آغاز میں ہفتہ دفاع مقدس کی طرف اشارہ کرتے ہوئے کہا : یہ ہفتہ بیرونی جارحیت کے مقابلے میں ایران کی عظیم قوم کی بے مثال استقامت اور ان عزیز جوانوں کی بے نظیر شجاعت و دلاوری کی یاد دلاتا ہے جنہوں نے اپنے ملک کی ارضی سالمیت، قومی اقتدار اعلی اور خود مختاری کے دفاع کا حق ادا کر دیا ۔/۹۸۸/ن۹۳۰/ک۲۶۹