‫‫کیٹیگری‬ :
11 October 2016 - 14:42
News ID: 423773
فونت
حجت الاسلام شہنشاہ حسین نقوی:
پاکستان کے معروف عالم دین نے کہا : آج بھی امام حسین (ع) کے مقدس ترین نام پر ایک خلقت جمع ہوکر ذکر مصائب برپا کرتی ہے ۔
حجت الاسلام شہنشاہ حسین نقوی

 

رسا نیوز ایجنسی کی رپورٹ کے مطابق پاکستان کے معروف عالم دین حجت الاسلام شہنشاہ حسین نقوی نے کہا : امام حسین (ع) نے رب کی خوشنودی اور رضاء کیلئے بڑی قربانی دی اور یہ بات واضح کردی کہ احکام خداوندی اور دین کی سربلندی اور استحکام کیلئے اپنی جان قربان کرنے سے بھی دریغ نہ کیا جائے۔

مسجد باب العلم نارتھ ناظم آباد میں عشرہ محرم کی مجلس سے خطاب کے دوران انہوں نے کہا : آج بھی امام حسین (ع) کے مقدس ترین نام پر ایک خلقت جمع ہوکر ذکر مصائب برپا کرتی ہے، یہ صرف اس وجہ سے کہ امام حسین (ع) ایک ایسی شخصیت کا نام ہے جس نے خدا اورا س کے رسول (ص) کو راضی کیا۔

حجت الاسلام شہنشاہ حسین نقوی نے بیان کیا : آپ خدا کے پسندیدہ ترین بندے ہیں جنہوں نے اپنے نانا سے کیا ہوا وعدہ پورا کیا اور کربلاء کے میدان میں اپنے خانوادے کے ہمراہ باطل سے جنگ کر کے جام شہادت نوش کیا، دنیا بھر میں اس عظیم شہادت کی یاد منائی جاتی ہے اور ہر شخص آپ کے غم میں اشک بار نظر آتا ہے، لہٰذا ہمیں بھی کوشش کرنی چاہیئے کہ ان کے نقش قدم پر چلیں۔/۹۸۹/ف۹۴۰/

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬