14 October 2016 - 00:50
News ID: 423824
فونت
حیدرآباد میں شہدائے کربلا کی یاد میں یوم عاشور عقیدت و احترام سے منایا گیا، مرکزی انجمن حیدری کے زیر اہتمام قدم گاہ مولا علی علیہ السلام سے مرکزی ماتمی جلوس نکالا گیا۔
حیدرآباد میں شہدائے کربلا کی یاد میں یوم عاشور جلوس نکالا گیا

رسا نیوز ایجنسی کی رپورٹ کے مطابق حیدرآباد میں شہدائے کربلا کی یاد میں یوم عاشور عقیدت و احترام سے منایا گیا، مرکزی انجمن حیدری کے زیر اہتمام قدم گاہ مولا علی علیہ السلام سے مرکزی ماتمی جلوس نکالا گیا۔

جس میں حیدرآباد، قاسم آباد، لطیف آباد سمیت قرب و جوار کے شہروں سے آنے والے ۴۰۰ سے زائد چھوٹے بڑے ماتمی جلوس شامل ہوئے۔

مرکزی جلوس مقررہ راستوں سے ہوتا ہوا سینٹ میری چوک پر پہنچا جہاں جلوس میں شامل عزاداروں نے مولانا علی انور جعفری کی اقتداء میں نماز ظہرین ادا کی، جلوس کربلا دادن شاہ پہنچ کر ختم ہوا جہاں مجلس شام غریباں ہوئی۔

مرکزی جلوس کے لئے سخت حفاظتی انتظامات کئے گئے تھے اور جلوس کے راستوں میں آنے والی تمام گلیوں اور سڑکوں کو خاردار تاریں اور قناتیں لگا کر مکمل طور پر سیل کیا گیا تھا جبکہ خفیہ کیمروں سے جلوس کی نگرانی بھی کی جاتی رہی ۔

جبکہ بلند و بالا عمارتوں پر رینجرز اور پولیس کے کمانڈوز کو تعینات کیا گیا تھا، جلوس سے قبل بم ڈسپوزل اسکواڈ کے اہلکاروں نے جلوس کے راستوں کو چیک کیا۔/۹۸۹/ف۹۴۰/

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬