11 December 2016 - 15:34
News ID: 425006
فونت
شمالی شہر موصل کو آزاد کرانے کے لئے آپریشن پوری قوت کے ساتھ جاری ہے جس کے دوران عراقی افواج نے شاندار پیشقدمی کی ہے
موصل

 

رسا نیوز ایجنسی کی رپورٹ کے مطابق، عراقی فوج کے خصوصی دستے کے کمانڈر معن السعدی نے کہا ہے کہ عراقی افواج موصل شہر کے مشرقی محاذ پراپنی پیشقدمی جاری رکھے ہوئے ہیں اور اب شمال مشرقی محاذ کی جانب بڑھ رہی ہیں -

انسداد دہشت گردی فورس سے وابستہ عراقی فوج کے خصوصی دستے کے کمانڈر نے کہاکہ عراقی فضائیہ نے بھی موصل شہر کے اندر داعش کے ٹھکانوں پر بمباری کی ہے -

ان کا کہنا تھا کہ موصل کے مشرق میں الشہدا‏ اور البرید کے علاقے دہشت گردوں کے قبضے سے مکمل طور پر آزاد کرالئے گئے ہیں جبکہ الاعلام نامی قصبے کے ستر فیصد حصے کو داعش کے چنگل سے آزاد کرا لیا گیا ہے -

عراقی فوج کے مذکورہ کمانڈر نے کہا ہے  کہ انسداد دہشت گردی فورس کے جوان جو موصل کے مشرقی علاقوں کی آزادی کی ذمہ داری سنبھالے ہوئے ہیں  تیزی کے ساتھ آگے بڑھ رہے ہیں اور زمینی کارروائیوں کے ساتھ ساتھ موصل کے مشرقی علاقوں میں داعش کے ٹھکانوں پرعراقی فضائیہ کی بھی کارروائیاں کافی تیز ہوگئی ہیں -

دوسری جانب موصل شہر کے مشرقی علاقوں الوحدہ اور المیثاق میں عراقی فوج کے داحل ہونے کے بعد فوج اور داعش کے عناصر کے درمیان گھمسان کی جنگ جاری ہے خبروں میں بتایا گیا ہے کہ ان علاقوں میں موجود دہشت گرد علاقے کے شہریوں کو انسانی ڈھال کے طور پر استعمال کررہے ہیں اور انہوں نے ان شہریوں کو کشتیوں کے ذریعے شہر کے مغربی حصے میں منتقل کردیا ہے-

دریں اثنا صوبہ نینوا میں اہل سنت اوقاف کے سربراہ ابو بکر کنعان نے اعلان کیا ہے کہ داعش کے عناصر نے موصل اور اس کے مضافات میں سینتیس سے زائد مساجد  کو مسمار کردیا ہے۔/۹۸۸/ن۹۴۰

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬