رسا نیوز ایجنسی کی رپورٹ کے مطابق، لاہور میں تحریک منہاج القرآن کا شہرِاعتکاف سج گیا، ہزاروں متعکفین اعتکاف بیٹھ گئے، پہلے روز ڈاکٹر طاہر القادری نے تربیتی اور اصلاحی موضوعات پر خطاب کیا۔
جامع منہاج القرآن ٹاؤن شپ میں ملک بھر سے آئے ہوئے ہزاروں مرد و خواتین نے مرکز منہاج القرآن کے زیراہتمام منعقدہ سالانہ اجتماعی اعتکاف میں بیٹھنے کی سعادت حاصل کی۔
اعتکاف کے پہلے روز حمدو ثنا بیان کی گئی، تحریک منہاج القرآن اور پاکستان عوامی تحریک کے سربراہ ڈاکٹر طاہر القادری نے متعکفین سے خطاب کرتے ہوئے کہا کہ دین اسلام ٹوٹے ہوئے دلوں کو جوڑنے اور بچھڑے ہوئے کو ملانے والا دین ہے۔
یہ واحد ضابطہ حیات ہے جس نے اپنے بھائی سے نفرت اور قطع تعلقی سے منع کیا ہے۔ انہوں نے کہا کہ روزہ داروں کے ساتھ حسن سلوک کرنیوالوں کو اللہ پسند کرتا ہے۔ اس موقع پر ہزاروں معتکف مرد و خواتین کیلئے سحرو افطار کیساتھ ساتھ رہائش کے بھی خصوصی انتظامات کیے گئے ہیں۔ /۹۸۸/ ن۹۴۰