عیسائیوں کے رہنما نے امریکہ کے نائب صدر کے ساتھ ملاقات سے انکار کردیا ہے

رسا نیوز ایجنسی کی رپورٹ کے مطابق مصر کے قبطی عیسائی چرچ کے جاری کردہ بیان میں کہا گیا ہے کہ پاپ تھیوڈورس دوم نے رواں ماہ کے آخر میں امریکی نائب صدر ما‏ئک پینس سے طے شدہ ملاقات کو منسوخ کردیا ہے۔

بیان کے مطابق پاپ تھیوڈورس دوم نے یہ فیصلہ امریکہ کی جانب سے بیت المقدس کو اسرائیل کا دارالحکومت تسلیم کیے جانے کے خلاف احتجاج کے طور پر کیا ہے۔

اس سے پہلے شیخ الازھر نے بھی ٹرمپ کے فلسطین مخالف اعلان پر احتجاج کرتے ہوئے امریکہ کے نائب صدر مائک پینس کے ساتھ ملاقات کا پروگرام منسوخ کردیا تھا۔

ادھر الازھر کے وکیل عباس شومان نے پوری دنیا کے مسلمانوں اور عیسائیوں سے اپیل کی ہے کہ وہ امریکی اور اسرائیلی مصنوعات کا بائیکاٹ کرکے، ٹرمپ کے فلسطین مخالف فیصلے کے خلاف احتجاج کریں۔/۹۸۹/ف۹۴۰/