‫‫کیٹیگری‬ :
08 March 2018 - 16:28
News ID: 435283
فونت
عراقی وزیراعظم حیدر العبادی نے عراق کے دارالحکومت بغداد کے دورے پر آئے ہوئے ایران کے نائب صدراسحاق جہانگیری کے ساتھ ہونے والی ملاقات کے بعد کہا کہ اسلامی جمہوریہ ایران اور عراق کے درمیان باہمی تعاون کے معاہدوں کے بہت سےمواقع ہیں۔
حیدر العبادی

رسا نیوز ایجنسی کی رپورٹ کے مطابق، اس موقع پر انہوں نے ایرانی وفد کے ساتھ مذاکرات کے مثبت نتائج کا حوالہ دیتے ہوئے کہا کہ اقتصادی، سیاسی، ثقافتی، تجارتی اور دوسرے شعبوں میں باہمی تعاون کے لئے بھرپور کوشش کرنا ناگزیر ہے۔

حیدر العبادی نے اس بات پر زور دیا کہ دونوں ممالک دوطرفہ تعلقات کو فروغ دینے کے راستے کی رکاوٹوں کو دور کرنے کے لئے کوششں کر رہے ہیں اور ایسے مذاکرات مشترکہ مفادات کی مبنی پر تھے۔

نائب ایرانی صدر نے اس ملاقات کے دوران داعش دہشت گردوں کے خلاف جنگ میں عراق کی کامیابیوں پر عراقی قوم اور حکومت کو مبارکباد پیش کی۔

جہانگیری نے کہا کہ اسلامی جمہوریہ ایران عراق کی بحالی اور تعمیر نو میں اس ملک کے ساتھ کھڑا رہا ہے۔

واضح رہے کہ نائب ایرانی صدراسحاق جہانگیری اور ان کے ہمراہ وفد گزشتہ روز عراقی دارالحکومت بغداد پہنچا۔

سینئر ایرانی نائب صدر عراق کے مقدس شہر کربلا، نجف اشرف اور کاظمین کا دورہ بھی کریں گے۔ /۹۸۹/ ف۹۴۰

 

 

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬