03 January 2019 - 14:27
News ID: 439049
فونت
میجر جنرل آصف غفور :
پاکستانی فوج کے ترجمان نے کہا کہ بھارت میں تو انتخابات بھی پاکستان مخالف نعروں سے لڑے جاتے ہیں لیکن پاکستان میں بھارت کے نام پر کبھی بھی سیاست نہیں ہوئی۔
میجر جنرل آصف غفور

رسا نیوز ایجنسی کی رپورٹ کے مطابق پاکستانی فوج کے ترجمان میجر جنرل آصف غفور نے کہا ہے کہ ہندوستان کی جانب سے پاکستان پرسرجیکل اسٹرائیک کے دعویٰ کیے گئے لیکن ہندوستان نے آج تک اپنے لوگوں کو سرجیکل اسٹرائیک کے ثبوت پیش نہیں کئے ہندوستان کو فرضی اور مصنوعی سرجیکل اسٹرائیک کے دعوے سے پرہیز کرنا چاہیے۔

میجرجنرل آصف غفور نے کہا کہ ہمسایہ ممالک کی صورتحال پاکستان پر اثرانداز ہوتی ہے، پاکستان نے ہمیشہ اپنے ہمسایہ ممالک سے امن کی بات کی، جنگوں کی بات ہمیشہ بھارت نے کی، بھارت میں تو انتخابات بھی پاکستان مخالف نعروں سے لڑے جاتے ہیں لیکن پاکستان میں بھارت کے نام پر کبھی بھی سیاست نہیں ہوئی۔

ترجمان پاک فوج کا کہنا تھا کہ مذاکرات سے فرار کی راہ بھی ہمیشہ بھارت نے اختیار کی، بھارت کی جانب سے پاکستان پرسرجیکل اسٹرائیک کے دعویٰ کیے گئے لیکن بھارت نے آج تک اپنے لوگوں کو سرجیکل اسٹرائیک کے ثبوت نہیں دیے، بھارت کو بتانا چاہتے ہیں صرف باتوں سے سرجیکل اسٹرائیک نہیں ہوتی، جنگ کی دھمکیوں سے مسئلے حل نہیں ہوں گے، پاک فوج ہر جارحیت کا منہ توڑ جواب دینے کی صلاحیت رکھتی ہے۔/۹۸۹/ف۹۴۰/

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬