رسا نیوز ایجنسی کی رپورٹ کے مطابق جنرل باقری نے ثقافتی اور سماجی امور کے ڈائریکٹروں کے اجلاس سے خطاب کرتے ہوئے کہا کہ دشمن ہمارے معاشرے میں مایوسی پھیلا کر عوام کے انقلابی نقطہ نظر کو تبدیل کرنے کی تلاش و کوشش کررہا ہے۔
انہوں نے کہا کہ عالمی استکبار نے حالیہ صدیوں میں دنیا پر اپنا تسلط قائم کرنے کے لئے اپنے تمام وسائل اور توانائیوں سے بھر پور استفادہ کیا ۔
جنرل باقری نے کہا کہ ایران کے خلاف دشمن کی گھناؤنی سازشوں کا سلسلہ جاری ہے ۔
انہوں نے کہا کہ مغربی اور مشرقی طاقتیں اگر چہ ایکدوسرے کے خلاف ہیں لیکن وہ اپنے مفادات کے تحفظ کے سلسلے میں باہمی تعاون کی راہ پر بھی گامزن ہیں ۔
انقلاب اسلامی کی کامیابی کے بعد سامراجی طاقتوں پر لرزہ طاری ہوگیا اور انھوں نے صدام کو لالچ دیکر ایران کے خلاف جنگ مسلط کردی جس کا سلسلہ آٹھ سال تک جاری رہا ۔ لیکن اللہ تعالی کا ارادہ عالمی سامراجی طاقتوں کے ارادے پر غالب آگیا اور اللہ تعالی نے ایرانی قوم کو ہر میدان میں کامیابی اور فتح سےہمکنار کیا۔