‫‫کیٹیگری‬ :
08 May 2020 - 17:45
News ID: 442673
فونت
کرونا وائرس کے حوالے سے؛
سفینۃ النجات دہلی کے ایڈیٹر اور بین الاقوامی مبلغ نے کرونا وائرس کے حوالے سے ھندوستان کے علماء اور دینی رہنماوں کے نام آیۃ اللّٰہ اعرافی کے خط کو ھندوستانی معاشرہ سے ان کے اخلاص کی نشانی جانا ۔

رسا نیوز ایجنسی کے رپورٹر کی رپورٹ کے مطابق، سفینۃ النجات دہلی کے ایڈیٹر اور بین الاقوامی مبلغ حجت الاسلام و المسلمین سید شبیب حسینی نے کرونا وائرس کے حوالے سے ھندوستان کے علماء اور دینی رہنماوں کے نام آیۃ اللّٰہ اعرافی کے خط کی حمایت کی اور اسے ھندوستانی معاشرہ سے ان کی بے لوث محبت کی نشانی بتایا ۔

اس خط کا پورا متن مندرجہ ذیل ہے:

بسمہ تعالیٰ

حضرت آیۃ اللّٰہ اعرافی دام ظلکم العالی
ایرانی حوزات علمیہ کے سربراہ
سلام علیکم ورحمۃ اللّٰہ و برکاتہ

ماہ مبارک رمضان کی مناسبت سے آپکی خدمت میں مبارکباد پیش کرتا ہوں، مدرسۂ امام خمینی قُم میں اپنے قیام کے دوران اور میبُد میں جنابعالی کے دولت کدہ پر ملاقات اور پھر گذشتہ دنوں آپکے سفر ھندوستان پر شرف دیدار حاصل ہوا، متعدد بار آپکی محبتوں اور نوازشات سے بہرہ مند ہوا اور ہر ملاقات میں اس بات کو بخوبی محسوس کیا کہ حضرتعالی کو غیر ایرانی طلاب سے بے پناہ اُنسیت ہے اور آپ انکے مسائل کے تئیں حس٘اس اور فکر مند رہتے ہیں۔

حالات حاضرہ کے تناظر میں خصوصاً کرونا جیسی خطرناک وبا کے شر سے بچنے کے لئے اپکی ہدایات، دعائوں، مفید مشوروں اور حکیمانہ نصیحتوں نے علماء ہندوستان اور تبعاً یہاں کے عوام کی اس نگاہ کو استحکام عطا کیا ہے کہ آپ کو ہم سے بے لوث محبت ہے اور آپ ہمارے لئے فکر مند بھی رہتے ہیں۔ ہم آپکی اس محبت پر شکرگزار ہیں ۔ خدائے من٘ان آپکو صحت و سلامتی اور طول عمر عطا کرے۔

والسلام
سید محمد شبیب حسینی
اڈیٹرسفینۃ النجات دہلی

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬