رسا نیوز ایجنسی کی رپورٹ کے مطابق، شیعہ علماء کونسل پاکستان کے مرکزی جنرل سکریٹری حجت الاسلام عارف حسین واحدی نے ارسال کردہ اپنے مذمتی بیان میں حکومت پاکستان اور سیکوریٹی مراکز کی نااھلی کو شدید تنقید کا نشانہ بنایا ۔
حجت الاسلام واحدی نے کہا: ڈیرہ اسماعیل خان جیل پر مسلحہ دہشت گردوں کے حملے سے معلوم ہوتا ہے کہ ملک میں حکومت نامی کوئی چیز نہیں ہے اور یہ ملک دہشت گردوں کے لئے جنت بن گیا ہے ۔
انہوں نے یہ کہتے ہوئے کہ قانون نافذ کرنے والے ادارے بھی ان دہشت گردوں کے آگے بے بس معلوم ہوتے ہیں اور بروقت اطلاع ملنے کے باوجود حکومتی اداروں کی خاموشی سمجھ سے بالا تر ہے حکومت سے مطالبہ کیا : ان دہشت گردوں کے خلاف ٹارگٹڈ آپریشن شروع کیا جائے اور قبائلی علاقہ وزیرستان جو ان دہشتگردوں کی آماجگاہ بن چکا ہے خالی کرایا جائے اور ڈیرہ اسماعیل خان جیل میں ملوث دہشت گرداور فرار ہونے والے خطرناک قیدیوں کا تعقب کرکے انہیں گرفتار کیا جائے، اور اگر حکومت ایسا نہیں کرسکتی تو اسے مستعفی ہو جانا چاہئے۔