لوگوں سے اچھا برتاو انبیاء الھی کی خاصہ ہے/عوامی حمایت سے انقلاب اسلامی کو بلندی ملی

 

رسا نیوز ایجنسی کے رپورٹر کی رپورٹ کے مطابق، مراجع تقلید قم میں سے حضرت آیت الله حسین نوری همدانی نے آج ظھر سے پہلے صوبہ چہار محال و بختیاری میں ولی فقیہ کے نمائندہ ، ائمہ جمعہ و جماعات ، صوبہ کے سرکاری ملازمین اور علماء کے وفد سے ملاقات میں کہا: سن 88 کے فتنہ کے بعد ہم نے ایران کے مختلف شھروں کا سفر لازمی و ضرور سمجھا تاکہ خود لوگوں کی باتوں کو سن سکوں اور یہ ہمارا 15 واں سفر ہے ۔

حضرت آیت الله نوری همدانی نے صوبہ چہار محال و بختیاری کی مشکلات کی جانب اشارہ کرتے ہوئے کہا: اس صوبہ کے سفر کے بعد میں رھبر معظم انقلاب اسلامی ایران کو اس کی رپورٹ دوں گا اور آپ بھی اس پر خصوصی توجہ فرمائیں گے ۔

انہوں ںے معاشرہ میں ائمہ جمعہ و جماعات کی اہمیت کی جانب اشارہ کیا اور کہا: قدرت بیان ، قدرت مدیریت اور ملک و بیرون ممالک کی خبروں سے اگاہی ائمہ جمعہ و جماعات کی اہم خصوصیتوں میں سے ہیں ۔

حوزہ علمیہ قم میں درس خارج فقہ و اصول کے نامور استاد نے بیان کیا: ائمہ جمعہ، لوگوں کی انقلابی ، مادی اور معنوی افکار و نظریات و احساسات کوتقویت دینے کی کوشش کریں ۔

انہوں نے یہ بیان کرتے ہوئے کہ لوگوں سے اچھا برتاو انبیاء الھی(ص) کی خاصہ ہے کہا: ائمہ اطهار(ع) ہمیشہ تاکید کرتے تھے کہ معاشرہ کی بنیاد عوام ہیں جنکا احترام لازمی ہے ۔

اس مرجع تقلید نے اس بات کی جانب اشارہ کرتے ہوئے کہ انقلاب اسلامی ایران میں امام خمینی(ره) ہمیشہ لوگوں سے رابطہ رکھتے تھے کہا: عوام، انقلاب کی پیروزی کا سبب بنے اور پوری تاریخ میں جب بھی عوام کسی کام کی حامی رہی تو اسے کامیابی ملی ہے ۔

حضرت آیت الله نوری ‌همدانی نے یہ بیان کرتے ہوئے کہ ہم ہمیشہ لوگوں کو میدان میں حاضر رکھنے کی کوشش کریں کیوں کہ ان کی موجودگی اہم ہے کہا: اپ اپنی رفتار و گفتار پر خاص توجہ رکھیں اور اگاہ رہیں کہ علماء، انبیاء کا تسلسل ہیں ۔

انہوں نے یہ بیان کرتے ہوئے کہ علماء کی ذمہ داریاں سنگین اور اہم ہیں کہا: ہم ملک اور دنیا کے حالات سے اگاہ رہیں اور ملک کے جوانوں کی تربیت میں خاص کردار ادا کریں ۔