دہشت گردی سے مقابلے کے سلسلے میں روس اور چین میں اتفاق رائے

رسا نیوز ایجنسی کی شین ہوا نیوز ایجنسی سے رپورٹ کے مطابق، دہشت گردی سے مقابلے کے سلسلے میں بیجنگ اور ماسکو کے درمیان باہمی تعاون کے سمجھوتے پر دستخط کا مقصد ، دہشت گردانہ حملوں کی روک تھام اور ان حملوں کو بند کرنے کی غرض سے مشترکہ اقدامات عمل میں لانا ہے-

اس سمجھوتے کی بنیاد پر روس اور چین کے حکام، دہشت گردی اور انتہاپسندی سے مقابلے کے سلسلے میں منظم اجلاسوں کے انعقاد اور باہمی صلاح و مشورے کے ذریعے ، چین اور روس کے سرحدی علاقوں میں جارحانہ اقدامات کا مقابلہ کریں گے-

روسی صدر ولادیمیر پوتین نے اٹھائیس ستمبر دوہزار سولہ کو یہ سمجھوتہ ، ڈوما میں منظوری کی غرض سے پیش کیا تھا-

اس سمجھوتے پر ستائیس ستمبر دوہزار دس کو ، روس اور چین کے حکام نے بیجنگ میں دستخط کئے تھے- /۹۸۸/ن۹۴۰