رسا نیوز ایجنسی کی رپورٹ کے مطابق، اسلامی جمہوریہ ایران کے صدرمملکت حجت الاسلام و المسلمین ڈاکٹر حسن روحانی نے افغانستان کی قومی حکومت کے اجرائی سربراہ عبد اللہ عبد اللہ کے ساتھ ملاقات دوطرفہ تعلقات، علاقائی مسائل اور عالمی امور پر بھی تبادلہ خیال کیا گيا ۔
انہوں نے افغانستان کی پیشرفت کے لئے سیاسی ثبات ، قومی اتحاد اور امن و سلامتی کو اہم قراردیتے ہوئے کہا : ایران افغانستان کی مدد کے سلسلے میں کسی بھی کوشش سے دریغ نہیں کرے گا ۔
حجت الاسلام و المسلمین روحانی نے سابق صدر ہاشمی رفسنجانی کے انتقال پر افغانستان کی سیاسی ، ثقافتی اور سماجی شخصیات کی جانب سے تعزیت اور تسلیت پر شکریہ ادا کرتے ہوئے کہا : مرحوم آیت اللہ ہاشمی رفسنجانی ہمیشہ افغانستان میں امن و ثبات کے حامی رہے ہیں اور وہ افغانستان کی پیشرفت کو ایران کی پیشرفت سمجھتے تھے۔
افغان قومی حکومت کے اجرائی سربراہ عبد اللہ عبد اللہ نے بھی اس ملاقات میں افغانستان کی تازہ ترین صورتحال کی رپورٹ پیش کی اور دہشت گردی کو افغانستان کی سب سے بڑی مشکل قراردیا ۔
واضح رہے کہ افغان قومی حکومت کے اجرائی سربراہ عبد اللہ عبد اللہ اعلی وفد کے ہمراہ ایران کے سابق صدر اور مجمع تشخیص مصلحت نظام کے سربراہ مرحوم آیت اللہ ہاشمی کی رحلت کے موقع پر ایران کے دورے پر ہیں ۔ /۹۸۹/ ف۹۳۰/ ک۲۹۳