فلسطین سے غداری کا بدنما داغ بھی آل سعود کے سیاہ کارناموں میں شامل ہے

رسا نیوز ایجنسی کی رپورٹ کے مطابق قائد وحدت حجت الاسلام راجہ ناصر عباس جعفری کی ہدایت پر ملک گیر یوم احتجاج کے سلسلے میں جیکب آباد میں امریکہ مردہ باد، احتجاجی ریلی نکالی گئی۔

ریلی کی قیادت مجلس وحدت مسلمین سندہ کے سیکریٹری جنرل حجت الاسلام مقصودعلی ڈومکی نے کی، اس موقع پر ضلعی سیکریٹری جنرل مولانا سیف علی ڈومکی، حسن رضا غدیری، سید غلام شبیر شاہ، تحصیل کے رہنما نذیر حسین و دیگر ان کے ہمراہ تھے۔

اس موقع ریلی سے خطاب کرتے ہوئے حجت الاسلام مقصودعلی ڈومکی نے کہا کہ شیطان بزرگ امریکہ کے نادان صدر ٹرمپ نے بیت المقدس اور فلسطین کے خلاف فیصلہ دے کر دنیائے اسلام کی غیرت ایمانی کو للکارا ہے، پے در پے شکست کے باوجود امریکہ شیطنت سے باز آنے کے لئے تیار نہیں۔ شام کے محاذ پر عبرتناک شکست سے امریکہ کو سبق سیکھنا چاہیئے۔

انہوں نے بیان کی کہ ڈونلڈ ٹرمپ کے اعلان کے بعد 39 ملکی فوجی اتحاد کی تشکیل سوالیہ نشان بن گئی ہے۔ یمن کے مظلوم مسلمانوں پر بمباری، دھشت گرد گروہوں کی سرپرستی اور بیت المقدس قبلہ اول ، فلسطین سے غداری کا بدنما داغ بھی آل سعود کے سیاہ کارناموں میں شامل ہے۔

اس موقع پر آغا سیف علی ڈومکی، برادر حسن رضا غدیری ، سید احسان شاہ اور آئی ایس او کے صدر برادر اللہ بخش میرالی نے بھی خطاب کرتے ہوئے حکومت پاکستان سے مطالبہ کیا کہ وہ امریکہ اور اسرائیل کے اسلام دشمن منصوبے کے خلاف بھرپور کردار ادا کرے۔ اس موقع پر پریس کلب کے سامنے اسرائیلی پرچم نذر آتش کیا گیا۔ جلوس میں نظم و ضبط کے فرائض المصطفیٰ اسکاؤٹس کے جوانوں نے انجام دیئے۔/۹۸۹/ف۹۴۰/