‫‫کیٹیگری‬ :
05 September 2016 - 19:14
News ID: 423047
فونت
امامیہ اسٹوڈنٹس آرگنائزیشن پاکستان کے نئے صدر:
سید سرفراز نے بیان کیا : رہبر معظم سید علی خامنہ ای نظام ولایت کے امین بھی ہیں اور علمبردار بھی، وہ اسلام ناب کی نمائندگی کر رہے ہیں اور عالم کفر کیخلاف ڈٹے ہوئے ہیں۔
سید سرفراز

 

رسا نیوز ایجنسی کی رپورٹ کے مطابق امامیہ اسٹوڈنٹس آرگنائزیشن پاکستان کے سالانہ مرکزی کنونشن میں نئے میر کارواں کا انتخاب مکمل ہوگیا، سابق نائب صدر سید سرفراز کو نیا میر کارواں منتخب کر لیا گیا۔

کنونشن کے آخری روز نئے میر کارواں کے انتخاب کیلئے اجلاس عاملہ ہوا، جس میں سید احسن نقوی اور سید سرفراز کے نام سامنے آئے، جس کے بعد ووٹنگ کروائی گئی اور سید سرفراز کامیاب قرار پائے۔

سید سرفراز کا تعلق فیصل آباد ڈویژن سے ہے اور وہ گومل یونیورسٹی ڈی آئی خان میں زیر تعلیم ہیں۔ وہ پہلے مرکزی نائب صدر بھی رہ چکے ہیں۔

آئی ایس او کے کارکنوں، علماء کرام اور سینیئر رہنماؤں نے سید سرفراز کو نئی ذمہ داری ملنے پر مبارکباد دی ہے۔

حجت الاسلام سید حیدر موسوی نے نئے میر کارواں کا اعلان کیا جبکہ حجت الاسلام ہاشم موسوی نے نئے مرکزی صدر سے حلف لیا۔

نو منتخب مرکزی صدر نے شرکاء کنونشن سے خطاب کرتے ہوئے کہا : آج دنیا کو نظام ولایت کی طرف پلٹنے کی ضروت ہے، رہبر معظم سید علی خامنہ ای جو اس نظام ولایت کے امین بھی ہیں اور علمبردار بھی، وہ اسلام ناب کی نمائندگی کر رہے ہیں اور عالم کفر کیخلاف ڈٹے ہوئے ہیں۔

انہوں نے تاکید کی : آج مسلمانان عالم کی مشکلات کا حل اور ان کی کامیابی کا راز اسی نظام ولایت کو سمجھنے اور اسکی پیروری کرنے میں ہے۔

نو منتخب مرکزی صدر سید سرفراز نقوی نے کہا :وطن عزیز کی جغرافیائی اور فکری سرحدوں کا تحفظ ہمارا منشور ہے اور ہم وطن کی جانب اٹھنے والی ہر میلی آنکھ پھوڑنے کا جذبہ رکھتے ہیں، آئی ایس او ملک کی نظریاتی و جغرافیائی سرحدوں کی محافظ ہے اور اپنے وطن کے دفاع کیلئے مصروف عمل ہے۔(۹۸۹/ف۹۴۰)

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬