رسا نیوز ایجنسی کی رپورٹ کے مطابق، ہمارے نمائندے کی رپورٹ کے مطابق، نئی دہلی میں موجود ایرانی ثقافتی سینٹر ( خانہ فرھنگ )کی جانب سے عید میلادالنبی اور ہفتہ وحدت کے سلسلے میں ایک پروقار تقریب منعقد کی گئی جس سے مولانا محمد مفتی مکرم شاهی مسجد فتحپوری، دھلی کی جامع مسجد کے امام حجت الاسلام و المسلمین محسن تقوی اور دوسری اہم شخصیات اور عوام کی بزی تعداد نے شرکت کی۔
اس تقریب سے خطاب کرتے ہوئے مولانا محمد مفتی مکرم، حجت الاسلام و المسلمین محسن تقوی اور دوسرے مقررین نے خطاب کرتے ہوئے کہا کہ امت میں وحدت پیدا کرنا ہم سب کی ذمہ داری ہے۔ اور ہم سب کو ملکر اپنی ذمہ داری نبھانی ہو گی ۔ انہوں نے کہا کہ اس وقت عالم اسلام کو اتحاد کی ضرورت ہے اور مسلمان اپنے اتحاد سے ہی دشمنوں کی سازشوں کو ناکام بنا سکتے ہیں اورحضور اکرم (ص) کی سیرت پرہی عمل کرکے امت کو متحد کیا جاسکتا ہے۔
بانی انقلاب اسلامی حضرت امام خمینی ( رح) نے مسلمانوں کے مابین اتحاد کی برقراری کیلئے 12 سے 17 ربیع الاول کے ایام کو ہفتہ وحدت کے طور پر منانے کا اعلان کیا اور پوری دنیا کے مسلمان ہفتئہ وحدت کے موقع پر مختلف قسم کے پروگرام منعقد کرکے با شکوہ طریقے سے ان ایام کو مناتے ہیں۔/۹۸۸/ن۹۴۰