برونائی کے بادشاہ نے ریاست میں اسلامی قوانین کے نفاذ کا اعلان کرتے ہوئے ہم جنس پرستی پر سنگساری اور چوری پر ہاتھ کاٹنے کی سزائیں فوری طور پر نافذ کردیں۔ رسا نیوز ایجنسی کی رپورٹ کے مطابق برونائی کے بادشاہ سلطان حسن البلقیہ نے ریاست میں اسلامی قوانین کے فوری نفاذ کا اعلان کردیا جس کے تحت اب ہم جنس پرستوں کو سنگسار کیا جائے گا جب کہ اس سے قبل اس جرم کی سزا 10 سال قید تھی۔
علاوہ ازیں جنسی زیادتی، ڈکیتی اور توہینِ رسالت کے جرائم پر بھی موت کی سزا دی جائےگی اس کے علاوہ چوری کی سزا ہاتھ کاٹنا ہوگااور اسقاطِ حمل پر سرعام کوڑنے لگائے جائیں گے، نابالغ مسلمان بچوں کو دوسرے مذاہب اختیار کرنے پر راغب یا قائل کرنے کو بھی جرم قرار دیا گیا ہے۔
تیل اور گیس سے مالامال امیر ترین ملک برونائی میں اسلامی قوانین کے نفاذ کے عمل کا آغاز 2014 سے ہوگیا تھا تاہم پہلے مرحلے میں قید اور جرمانے سے متعلق جرائم کا تعین کیا گیا تھا اور اب دوسرے مرحلے میں شرعی قوانین کا سرکاری طور پر نفاذ کردیا گیا ہے۔
تبصرہ بھیجیں
برای مہربانی اپنے تبصرے میں اردو میں لکھیں.
قوانین ملک و مذھب کے خالف اور قوم و اشخاص کی توہین پر مشتمل تبصرے نشر نہیں ہوں گے