09 October 2016 - 17:59
‫نیوز‬ ‫کوڈ‬: 423741
فونت
تھائی لینڈ کے وزیر اعظم پریوٹ چن او چا نے دارالحکومت بینکاک میں اسلامی جمہوریہ ایران کے صدر ڈاکٹر حسن روحانی کا استقبال کیا۔
حسن روحانی

رسا نیوز ایجنسی کی رپورٹ کے مطابق صدارتی ویب سائٹ کی رپورٹ کے مطابق اتوار کی صبح تھائی لینڈ کے دارالحکومت بینکاک میں اس ملک کے وزیر اعظم پریوٹ چن او چا نے اسلامی جمہوریہ ایران کے صدر ڈاکٹر حسن روحانی کا استقبال کیا۔

اس موقع پر دونوں ممالک کے قومی ترانے پڑھے گئے اور دونوں ممالک کے سربراہوں کے وفود کے اراکین کا ایک دوسرے کے ساتھ تعارف کرایا گیا۔

اس کے بعد صدر مملکت ڈاکٹر حسن روحانی نے گیسٹ بک میں دستخط کئے اور پھر دونوں ممالک کے اعلی سطحی وفود کے مذاکرات شروع ہوگئے۔

صدر مملکت ڈاکٹر حسن روحانی تھائی لینڈ کے وزیر اعظم کی جانب سے دی جانے والے ضیافت میں شرکت کریں گے۔

ڈاکٹر حسن روحانی بینکاک میں ایشیا کو آپریشن ڈائیلاگ (Asia Cooperation Dialogue (ACD) کے دوسرے سربراہی اجلاس میں شرکت اور خطاب کریں گے جہاں وہ ایران کے مواقف پر روشنی ڈالیں گے اور بعض ممالک کے اعلی حکام کے ساتھ ملاقاتیں کریں گے۔

ایشیا کوآپریشن ڈائیلاگ چونتیس ایشیائی ممالک پر مشتمل ہے۔ ایشیا کوآپریشن ڈائیلاگ کو سنہ دو ہزار دو میں قائم کیاگیا اور اس کی تشکیل کے مقاصد میں ایشیائی ممالک کی اقتصادی ترقی، ثقافت، سیاحت، کاشتکاری، ماحولیات اور نقل و حمل کے شعبوں میں باہمی تعاون شامل ہے۔ /۹۸۹/ف۹۴۰/

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬