‫‫کیٹیگری‬ :
29 May 2013 - 08:36
News ID: 5457
فونت
حجت الاسلام راجہ ناصر عباس جعفری:
رسا نیوز ایجنسی - مجلس وحدت مسلمین کے جنرل سکریٹری حجت الاسلام راجہ ناصر عباس جعفری نے شھر کراچی پاکستان کے حالیہ حادثہ پر رد عمل کا اظھار کرتے ہوئے کہا: معصوم بچوں اور بیگناہوں کا قتل عام بربریت کی بدترین مثال ہے ۔
راجہ ناصر عباس


رسا نیوز ایجنسی کی رپورٹ کے مطابق، مجلس وحدت مسلمین کے جنرل سکریٹری حجت الاسلام راجہ ناصر عباس جعفری نے اپنے ارسال کردہ بیانیہ میں سندھ ہائی کورٹ کے سینئر وکیل ثقلین کوثر اور ان کے معصوم بچوں کے بہیمانہ قتل کی شدید مذمت کرتے ہوئے ان کے اھل خانہ سے ھمدردی کا اظھار کیا ۔


حجت الاسلام جعفری نے یہ بیان کرتے ہوئے کہ اگر ہماری فوجی اور سول قیادت پاکستان کی بقاء کیلئے سنجیدہ ہے تو دہشتگردوں کیخلاف ٹھوس حکمت عملی مرتب کریں تاکید کی: جب تک جیلیں اور عدالتیں دہشت گردوں اور قاتلوں کو تحفظ فراہم کرنا نہیں چھوڑیں گی اور ان کو سرعام تختہ دار پر لٹکا کر نشان عبرت نہیں بنایا جائے گا،  دہشت گرد دھندناتے پھرتے رہیں گے اور بیگناہ شہریوں کا کشت و خون ہوتا رہے گا ۔


انہوں ںے سندھ ہائی کورٹ کے سینئر وکیل ثقلین کوثر اور ان کے معصوم بچوں کے بہیمانہ قتل کے خلاف کراچی میں تین روزہ پر امن یوم سوگ کا اعلان کرتے ہوئے کہا: دہشت گرد قانون سے زیادہ طاقتور بن چکے ہیں، پولیس رینجرز یا تو دہشت گردوں پر گرفت پانے میں ناکام نظر آتی ہے اور اگر گرفت میں لے بھی آتی ہے تو انہیں بری کر دیا جاتا ہے، دہشت گردوں کی پشت پناہی میں پولیس اور ایف سی کے اہلکاروں کے ملوث ہونے کہ ٹھوس ثبوت موجود ہیں، جو کہ ان اداروں کے سربراہان کے منہ پر طمانچہ ہیں۔


این ڈبلیوایم کے جنرل سکریٹری نے اس بات کی جانب اشارہ کرتے ہوئے کہ کراچی میں وکلاء کی ٹارگٹ کلنگ شدت اختیار کرچکی ہے، گذشتہ دنوں بھی دو سگے باپ بیٹوں کو دہشت گردوں نے نشانہ بنایا تھا اور حکومت ابھی تک ان کے قاتلوں کو گرفتار کرنے میں ناکام رہی ہے کہا: افسوس ناک امر یہ ہے پاکستان میں عدلیہ مفلوج ہے اور تعصب کی عینک پہن کر فیصلے کرتی ہے، بیگناہوں کے کیسز بیس، بیس سال لٹکے رہتے ہیں جب کہ دہشت گرد چار پیشیوں پر رہا کر دیئے جاتے ہیں، شہر کراچی میں سینکڑوں خطرناک ٹارگٹ کلرز دندناتے پھر رہے ہیں، جو کہ مزید بیگناہ ڈاکٹرز، علماء، وکلاء اور جوانوں کی کلنگ کا سبب بنیں گے۔


اس تحریر میں مزید آیا ہے : اگر ہماری فوجی اور سول قیادت پاکستان کی بقاء کے لئے سنجیدہ ہے تو دہشت گردوں کے خلاف ٹھوس حکمت عملی مرتب کریں کیونکہ پاکستان کا وجود اب ان دہشت گردوں کے مرہون منت نظر آرہا ہے۔


حجت الاسلام جعفری نے وفاقی نگراں حکومت سے اس بات کا مطالبہ کیا کہ جلد از جلد سندھ ہائی کورٹ کے وکیل ثقلین کوثر اور ان کے معصوم بچوں کے قاتلوں کو گرفتار کرکے قرار واقعی سزا دی جائے اور دہشت گردوں کو نشان عبرت بنایا جائے ۔
 

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬