رسا نیوز ایجنسی کی رپورٹ کے مطابق، امام خمینی(ره) تعلیمی و تحقیقی مرکز کے سربراہ آیت الله محمد تقی مصباح یزدی نے امام خمینی(ره) تعلیمی و تحقیقی مرکز کے نئے تعلیمی سال کے آغاز کے پروگرام میں یہ بیان کرتے ہوئے انسانی سعادت کا راستہ فقط اسلام کا راستہ ہے کہا: اسلامی احکام کی پیروی کے بغیر انسان کو سعادت حاصل نہیں ہوسکتی ۔
انہوں نے یہ کہتے ہوئے کہ اسلامی معارف خود بہ خود معرفی نہیں ہوتے کہا: اسلامی معارف سے اگاہی و واقفیت حاصل کرنے والے دوسروں تک اسے منتقل کریں ۔
خبرگان رھبر کونسل میں تھران کے عوامی نمائندہ نے یہ بیان کرتے ہوئے کہ معارف اهل بیت(ع) و حقائق اسلام کی شناخت کا راستہ پُر پیچ و خم راستہ ہے کہا : لوگ تمام اسلامی معارف تک نہیں پہونچ سکتے ، لذا کام کی تقسیم لازمی ہے کیوں کہ اسلامی معارف کا دائرہ بہت بڑا اور وسیع دائرہ ہے ۔
مدرسین حوزہ علمیہ قم کونسل کے رکن نے یہ بیان کرتے ہوئے کہ دین سمجھنے اور دین کی ترویج کے لئے تہذیب نفس ضروری ہے کہا: اسلامی روایتوں میں ایا ہے کہ تکبر اور خود پسندی انسانوں کی ترقی میں روکاوٹ بنتی ہے اور کفر کا سبب ہے ۔
امام خمینی(ره) تعلیمی و تحقیقی مرکز کے سربراہ نے مزید کہا: طلاب تعلیم حاصل کرنے کے ساتھ ساتھ تهذیب نفس اور اخلاق کو اپنا مقصد بنائیں اور اس سلسلہ میں سنجیدگی اختیار کریں نیز لالچ و تکبر سے دوری کریں چوں کہ نیا دین اور فرقہ بنانے والے ان دو خصلتوں میں مبتلاء رہے ہیں ۔
آیت الله مصباح یزدی نے ان لوگوں کو تنقید کا نشانہ بناتے ہوئے جو تقوی الھی اور عبادت خداوندی کو فقط انفرادی مسائل سے مخصوص جانتے ہیں کہا : بعض شھادت، ظلم و بدعت سے مقابلہ اسلام کا حصہ نہیں جانتے کہ جو انحراف ہے ، کیوں کہ اگر ایسا سوچیں گے تو پھر غیرانفرادی مسائل کون لوگ دیکھیں گے اور بیان کریں گے ۔
انہوں نے مزید کہا: اگر ہم کہیں کہ اسلام فقط انفرادی مسائل تک محدود ہے تو یہ سیکولر نظریہ ہے کہ اس صورت میں دنیاوی مسائل اور سیاست سے ہمارا کوئی سروکار نہیں ہے ۔
خبرگان رھبر کونسل میں تھران کے عوامی نمائندہ نے اپنی گفتگو کے سلسلہ کو اگے بڑھاتے ہوئے یہ بیان کیا کہ خداوند متعال نے عالم بشریت ، اسلام اور ایرانیوں پر احسان کیا اور ایسی فرد کا انتخاب کیا جو اسلام کو انفرادی نہیں جانتا تھا کہا: اسلام کے سیاسی اور سماجی ضروری مسائل بھی ہیں جن کی شناخت اور لوگوں کو اس سے اگاہ کرنا ضروری ہے ۔
مدرسین حوزہ علمیہ قم کونسل کے رکن نے کہا: بزرگ ترین کفران نعمت یہ ہے کہ انسان، امام خمینی(ره) کے کئے ہوئے کاموں کو فراموش کرجائے اور اپنے دوش پر موجود ذمہ داریوں سے غفلت کرے ۔
امام خمینی(ره) تعلیمی و تحقیقی مرکز کے سربراہ نے اس بات پر زور دیتے ہوئے کہ درس و تہذیب نفس کے ساتھ ساتھ سیاسی اور سماجی مسائل سے اگاہی طلاب کے ضروری ہے کہا: بہت سارے افراد تھے جو بصیرت کے فقدان کی بناء پر دشمنوں کا شکار ہوں گئے ۔