برطانوی وزیر اعظم کی جانب سے لگائے جانے والے الزامات بے بنیاد ہیں

رسا نیوز ایجنسی کی رپورٹ کے مطابق ایرانی وزارت خارجہ کے ترجمان بہرام قامی نے خلیج فارس تعاون تنظیم کے اجلاس میں برطانوی وزیراعظم تھیریسا مے کے ایران مخالف بیان کو سختی سے مسترد کر دیا۔

انہوں نے کہا کہ برطانوی وزیر اعظم کی جانب سے دئیے جانے والے ایسے بیانات میں خطے میں موجود کشیدگی میں اضافہ ہو گا اور اس سے عالمی امن اور سلامتی کو بحال کرنے کی کوششوں کو نقصان پہنچے گا۔

انہوں نے کہا کہ برطانوی وزیراعظم کو خلیج فارس تعاون تنظیم کے رکن ممالک کو خلیج فارس کے خطے میں دہشت گردی کی پشت پناہی روکنے کے حوالے سے اقدامات اٹھانے پر زور دینا چاہیے تھا۔

ترجمان دفتر خارجہ نے کہا کہ برطانوی وزیراعظم کے بیان سے برطانیہ اور یورپی یونین کے درمیان تعلقات میں مشکلات ظاہر ہوتی ہیں اور اس سے برطانیہ کی عالمی سطح پر پوزیشن غیرمستحکم ہو گی۔/۹۸۹/ف۹۴۰/