‫‫کیٹیگری‬ :
11 February 2018 - 19:09
‫نیوز‬ ‫کوڈ‬: 434986
فونت
حجت الاسلام حسن روحانی :
اسلامی جمہوریہ ایران کے صدر حجت الاسلام حسن روحانی نے کہا کہ گذرا ہوا سال دہشت گردی کے خلاف ایرانی عوام کی فتح اور علاقے کی اقوام کی کامیابی کا سال تھا۔
روحانی

رسا نیوز ایجنسی کی رپورٹ کے مطابق صدر مملکت حجت الاسلام  حسن روحانی نے اسلامی انقلاب کی کامیابی کی سالگرہ کی عظیم الشان ریلی کے موقع پر تہران میں آزادی اسکوائر پر عوام کے بہت بڑے اجتماع سے خطاب کرتے ہوئے کہا کہ عراق اور شام کے عوام کے لئے ایران کی مدد نتیجہ خیز ثابت ہوئی اور علاقے کی اقوام نے دہشت گردوں کے شر سے نجات حاصل کرلی۔

اسلامی جمہوریہ ایران کے صدر نے اس بات کا ذکرکرتے ہوئے کہ سازشی قوتیں علاقے کے ملکوں کو ٹکڑے ٹکڑے کرنا چاہتی تھیں کہاکہ عراقی عوام کی ہوشیاری اور علاقے کے ملکوں کی مدد نے خطے میں ایران کے دوست ملکوں کے قومی اتحاد اور وفاق کو تحفظ فراہم کیا۔ ا

ن کا کہنا تھا کہ لبنان کے عوام کی دانشمندی اور دوست ملکوں کی حمایت نے اس علاقے میں بھی امریکا اور صیہونیزم کی سازشوں کو ناکا بنادیا۔

اسلامی انقلاب کی سالگرہ کی عظیم الشان ریلی میں شریک لاکھوں کے اجتماع سے خطاب کرتے ہوئے صدر روحانی نے علاقے میں امن و استحکام کی برقراری  کے لئے چند جانبہ مذاکرات میں بھی ایران کی کامیابیوں کی جانب اشارہ کیا اور کہا کہ علاقے کی مشکلات کو سیاسی طریقے سے ہی حل کیا جاسکتا ہے ۔

انہوں نے بین الاقوامی میدان میں ایرانی عوام کے مقابلے میں امریکا کی بار بار کی شکست کی جانب اشارہ کرتے ہوئے کہا کہ امریکی حکام ایران کے داخلی معاملات میں مداخلت کرنا چاہتے تھے لیکن ایران کے عوام نے اپنے اتحاد و یگانگت اور ثابت قدمی کے ذریعے ان کی سازشوں اور منصوبوں کو خاک میں ملادیا۔

صدر حجت الاسلام  حسن روحانی نے کہا کہ امریکا نے ایٹمی معاہدے کو جو اہم علاقائی اور بین الاقوامی معاہدہ ہے اب تک کئی بار ناکام بنانے کی کوشش کی لیکن اب تک وہ اس میں ناکام رہا ہے۔

ان کا کہنا تھا کہ اگر امریکی حکام ایٹمی معاہدے سے نکلتے ہیں تو اس کا نقصان بہت جلد بھگتیں گے۔

اسلامی جمہوریہ ایران کے صدر نے بیت المقدس، فلسطین اور علاقے کے عوام کے خلاف امریکی سازش کا ذکرکرتے ہوئے کہا کہ دنیا امریکی سازش کے مقابلے میں ڈٹ گئی اور صرف چند حکومتوں کوچھوڑ کر دنیا کے سبھی ملکوں نے اقوام متحدہ میں امریکا کی اس سازش کی مخالفت کا اعلان کیا۔ /۹۸۹/ف۹۴۰/

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬