‫‫کیٹیگری‬ :
13 June 2018 - 14:54
‫نیوز‬ ‫کوڈ‬: 436263
فونت
اسلامی جمہوریہ ایران اور پاکستان کے ڈاکٹروں نے میڈیکل سائنس کے میدان میں اپنے تعاون کا آغاز کرتے ہوئے کراچی میں جگر کی پیوندکاری کے سات آپریشن کامیابی کے ساتھ انجام دیئے۔
ایرانی ڈاکٹرز

رسا نیوز ایجنسی کی رپورٹ کے مطابق، ایرانی اور پاکستانی ذرائع نے خبر دی ہے کہ ایران کے شہر شیراز کے جگر کی پیوند کاری کے مرکز کے ڈاکٹروں کی ایک ٹیم ان دنوں کراچی کے دورے پر ہے جہاں اس نے پاکستانی ڈاکٹروں کے ساتھ مل کر کراچی کے انسٹیٹیوٹ آف یورولوجی اینڈ ٹرانسپلانٹیشن ایس آئی یو ٹی میں ایک ہفتے کے دوران جگر کی پیوند کاری کے سات آپریشن کامیابی کے ساتھ انجام دیئے-

ایس آئی یو ٹی نے اس کامیابی کو ایک نیک شگون اور اچھا آغاز قرار دیا ہے- کراچی کے ایس آئی یو ٹی مرکز کے سربراہ اور یورولوژی کے ماہر ڈاکٹر ادیب الحسن رضوی نے بتایا کہ جگر کی پیوند کاری کے ماہر ایرانی ڈاکٹر سرجری کرنے کے مقصد سے ایران کے شہر شیراز سے کراچی کے دورے پر آئے ہوئے ہیں-

ڈاکٹر ادیب الحسن رضوی کا کہنا تھا کہ ایران کے شہر شیراز میں جگر کی پیوند کاری کا مرکز اس پورے خطے میں اپنی فیلڈ کا سب سے بڑا اور معتبر مرکز ہے اور ایرانی جراح ڈاکٹروں کا دورہ کراچی ایس آئی یو ٹی اور شیراز کے پیوند کاری کے مرکز کے درمیان قریبی تعاون کی ایک بہترین مثال ہے-

پاکستان میں ایران کے سفیر مہدی ہنر دوست نے بھی کہا ہے کہ ایران کا پاستور انسٹیٹیوٹ ایک معتبر میڈیکل تحقیقاتی ادارے کی حیثیت سے پاکستان کے ساتھ اچھا تعاون کر سکتا ہے- /۹۸۸/ ن۹۴۰

 

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬