‫‫کیٹیگری‬ :
19 June 2018 - 15:47
‫نیوز‬ ‫کوڈ‬: 436320
فونت
صاحبزادہ زبیر پاکستان:
ملی یکجہتی کونسل کے صدر نے حیدرآباد پاکستان میں ایک اجتماع سے خطاب کرتے ہوئے کہا کہ آئندہ عام انتخابات میں اصل مقابلہ ختم نبوت ﷺ کے وفاداروں اور غداروں کے درمیان ہوگا، نظام زکوٰۃ اور صلاۃ صحیح کام کررہے ہوتے تو آج ملک میں کوئی غریب نہ ہوتا۔
ابوالخیر محمد زبیر

رسا نیوز ایجنسی کی رپورٹ کے مطابق، جمعیت علماء پاکستان و ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے حیدرآباد پاکستان کے لبرٹی چوک پر اجتماع سے خطاب میں کہا کہ قوم کی تقدیر رسول اللہﷺ کے نظام، نظام مصطفےٰﷺ سے ہی بدلی جاسکتی ہے، غربت بیروزگاری، جہالت، عریانی، فحاشی، بے حیائی، لوٹ کھسوٹ اور کرپشن کے خاتمہ کیلئے قوم ختم نبوت کے غداروں کو مسترد کردے گی۔

صاحبزادہ محمد زبیر نے کہا کہ آئندہ عام انتخابات میں اصل مقابلہ ختم نبوتﷺکے وفاداروں اور غداروں کے درمیان ہوگا، نظام زکوٰۃ اور صلاۃ صحیح کام کررہے ہوتے تو آج ملک میں کوئی غریب نہ ہوتا، زکوٰۃ اور فطرے کی رقم بھی کرپشن کی نذر کردی جاتی ہے، بینکوں میں زکوٰۃ کی کٹوتی کے نام پر کروڑوں روپیہ قوم سے بٹوار لیا جاتا ہے، مگر اس کی تقسیم سیاسی بنیادوں پر کی جاتی ہے۔

انہوں نے کہا کہ روزہ جسم کی زکوٰۃ ہے مگر افسوس ماہ رمضان میں بھی صحت مند افراد روزہ خوری کرتے ہیں، غریب مزید غریب تر ہوتا جارہا ہے، امراء کے خزانوں کا کوئی حساب نہیں ہے، صالح، دیانتدار اور مخلص قیادت ہی قوم کو مسائل کی دلدل سے نکال سکتی ہے۔

صاحبزادہ محمد زبیر نے کہا کہ عصبیت کے نام پر لاکھوں نوجوانوں کا مستقبل تاریک کردیا گیا، ہم مایوسیوں کو ختم کرکے حقوق اللہ اور حقوق العباد کے ذریعہ قوم کی محرومیاں دور کریں گے، پچھلے 70 سال میں کرپٹ لوگوں کو اقتدار دیا گیا، یہی وجہ ہے کہ ہر پیدا ہونے والا بچہ مقروض ہے۔/۹۸۹/ ف۹۴۰

 

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬