رسا نیوز ایجنسی کی رپورٹ کے مطابق اسلامی جمہوریہ ایران کے سابق وزیر خارجہ اور رہبر معظم کے بین الاقوامی امور کے مشیر ڈاکٹر علی اکبر ولایتی نے مشترکہ ایٹمی معاہدے میں امریکہ کی عہد شکنی کی طرف اشارہ کرتے ہوئے کہا : امریکیوں کی عہد شکنی نمایاں ہے اور امریکی حکام قابل اعتماد نہیں ہیں۔
انہوں نے وضاحت کرتے ہوئے بیان کیا : جب تک امریکیوں پر دباؤ نہیں ڈالا جائے گا تب تک وہ اپنے کئے ہوئے عہد پر عمل نہیں کرتے ۔
علی اکبر ولایتی نے کہا : گروپ ۵+۱ اور ایران کے درمیان ہونے والے مشترکہ ایٹمی معاہدے میں امریکہ عہد شکنی کا ارتکاب کررہا ہے اور ایران کے اعلی مذاکرتکار جناب آقائ عراقچی اس سلسلے میں وضاحت پیش کریں گے۔
انہوں نے کہا : ہمارے مذاکرات کاروں نے اپنے وظائف پر اچھی طرح عمل کیا اور ایران نے معاہدے کے مطابق بلکہ قبل از وقت اپنے عہد پر عمل کر دیا لیکن امریکہ عہد شکنی کررہا ہے۔