رسا نیوز ایجنسی کی رپورٹ کے مطابق اسلامی جمہوریہ ایران کی وزارت خارجہ کے ترجمان بہرام قاسمی نے بغداد میں مجلس عزا میں کئے جانے والے خود کش دھماکے کی مذمت کی ہے۔
انہوں نے اس دہشت گردانہ بم دھماکے میں شہید ہونے والوں کے لواحقین، عراقی عوام اور حکومت سے ہمدردی کا اظہار کرتے ہوئے کہا : تمام ممالک کو چاہیئے کہ دہشت گردی اور تکفیری دہشت گرد گروہوں کے خلاف مشترکہ تعاون کے ذریعہ اس کو نابود کرنے کی ضرورت ہے ۔
اسلامی جمہوریہ ایران کی وزارت خارجہ کے ترجمان نے تاکید کی : اس وقت عراقی حکومت اور عوام کی موثر حمایت کرنا عالمی برادری کی پوری ذمہ داری ہے ۔
انہوں نے بیان کرتے ہوئے کہا : اسلامی جمہوریہ ایران دہشت گردوں کی مکمل شکست اور نابودی تک عراقی عوام اور حکومت کے شانہ بشانہ کھڑا رہے گا ۔
بہرام قاسمی نے کہا : ایران کو امید ہے کہ عراقی عوام اور علاقے کے تمام ملکوں کے اتحاد سے علاقے سے دہشت گردی کی لعنت کا خاتمہ کر دیا جائے گا ۔
واضح رہے کہ کل بغداد میں منعقدہ ایک مجلس عزا میں وہانی دہشت گردوں نے خود کش دہشت گردانہ بم دھماکہ کیا جس میں ابھی تک چالیس سے بھی زیادہ عزادار مظلمو کربلا شہید اور پچاس سے بھی زائد عزادار زخمی ہوگئے ہیں ۔/۹۸۹/ف۹۳۰/ک۲۵۹/