رسا نیوز ایجنسی کی رپورٹ کے مطابق ایرانی وزیر خارجہ محمد جواد ظریف نے اقوام متحدہ کے سیکرٹری جنرل کے خصوصی نمائندے برائے افغانستان امور تادامیچی یاماموتو کے ساتھ ایک ملاقات کے دوران گفتگو کرتے ہوئے کہا ہے کہ ایران، افغانستان کے استحکام کو برقرار رکھنے کیلیے کسی بھی شعبے میں اقوام متحدہ کیساتھ باہمی تعاون پر تیار ہے۔
انہوں نے ایران اور افغانستان کے درمیان برھتے ہوئے سیاسی اور اقتصادی تعلقات کا حوالہ دیتے ہوئے اور عراق اور شام میں دہشتگرد گروپ داعش کی حالیہ شکستوں کے باوجود خطے اور افغانستان میں داعش کی لعنت کا خاتمہ اور اس کی دہمکیوں سے نمٹنے کے لیے باہمی تعاون کی ضرورت پر زور دیا۔
اس ملاقات کا اہم محور افغانستان کے قیام امن اور استحکام کے لیے اسلامی جمہوریہ ایران،ا فغانستان کی قومی اتحاد حکومت اور اقوام متحدہ کی بھرپور کوششوں کا اعلان کرنا تھا۔
اس موقع میں یاماموتو نے افغانستان کی موجودہ سیکورٹی صورتحال کے حوالے سے ایک تفصیلی رپورٹ پیش کرتے ہوئے اور افغانستان میں امن اور استحکام کو برقرار رکھنے کے لیے باہمی تعاون بڑھانے کے طریقوں پر تبادلہ خیال کیا۔/۹۸۹/ف۹۴۰/