رسا نیوز ایجنسی کے رپورٹ کے مطابق، ایرانی پارلمینٹ میں شھر قم کے عوامی نمائندے حجت الاسلام مجتبی ذوالنوری نے شھر قم میں ایک مجلس سے خطاب کرتے ہوئے کہا: آج دشمن ایران کی طاقت سے خوفزدہ اور ہراساں ہے ۔
انہوں نے « اسلامی طرز زندگی » پروگرام میں صدر جمھوریہ ڈاکٹر حسن کے بیان کی جانب اشارہ کرتے ہوئے کہ « میزائلوں پر اسرائیل مردہ باد کا نارہ اس لئے مرقوم کیا گیا تاکہ ایٹمی معاہدہ کامیاب نہ ہوسکے » اور پھر یہ کہا کہ « ایٹمی معاہدے نے ملک سے جنگ کا سایہ ہٹا دیا » کہا: سب سے پہلے تو یہ کہ ہم یہ نہیں سمجھ سکے کہ اس بیان کا « اسلامی طرز زندگی » پروگرام سے کیا تعلق ہے اور دوسرے ایٹمی معاہدے نے ملک سے جنگ کا سایہ نہیں ہٹایا بلکہ ایٹمی معاہدہ ملک کے لئے خطرہ کی گھنٹی ہے ، کیونکہ ایٹم اور میزائل کے میدان میں چھوٹی سے چھوٹی آزمائش ایران کو مغربی دنیا کے عکس العمل سے روبرو کردے گی ۔
حجت الاسلام ذوالنوری نے اس بات کی جانب اشارہ کرتے ہوئے کہ آج دشمن ، اسلامی جمھوریہ ایران کی قدرت سے خوفزدہ ہے اور اسی بنیاد پر ایران پر حملے سے ہراساں ہے کہا: امریکی میزائلوں کی ۳۶ چھاونیاں ہیں کہ جو سب کی سب ایرانی میزائلوں کی دست رس میں ہیں ۔
انہوں ںے مزید کہا: اگر اسرائیل اپنی بدقسمتی کو آزمانا چاہے اور ایران کی جانب میزائل داغے تو میزائل کی گرد و خاک ختم ہونے سے پہلے ہی ایرانی میزائلیں تل ابیب کو مٹی کے ڈھیر میں بدل دیں گی ۔ /۹۸۸/ ن ۹۷۷