رسا نیوز ایجنسی کے رپورٹر کی رپورٹ کے مطابق، مراجع تقلید قم میں سے حضرت آیت الله علوی گرگانی نے آج حوزہ علمیہ انوارطاها کے طلاب سے ملاقات میں اس بات کی تاکید کرتے ہوئے کہ فقہ و فقاھت کی راہ میں ہر زحمت قابل تحسین ہے کہا: ہمیں لوگوں کا خدمت گزار اور ناداروں کا ناجی ہونا چاہئے ۔
انہوں نے مزید کہا : علماء و طلاب، پیغمبران خدا کے راستہ پر گامزن ہیں ، مولائے کائنات علی علیہ السلام کے بیان سے یہ بات روشن ہے کہ علم کی چار قسمیں ہیں ، پہلی قسم وہ علم ہے جو انسانوں کا ناجی ہے ، دوسرے وہ علم ہے جو انسانوں کے لئے نفع بخش ہے، تیسرے وہ علم ہے انسان کو بلندی عطا کرتا ہے اورچوتھے وہ علم جو انسان کو پستی میں پہونچا دیتا ہے ۔
آیت الله علوی گرگانی نے بیان کیا: حضرت نے فرمایا کہ وہ علم جو انسان کو نجات دینے والا ہے وہ علم قران ہے ، اسی بنیاد پر معارف قران سے آشنائی کی بہت اہمیت ہے ، قیامت کے دن قران انسانوں کو نجات دینے والا اور خدا کی بارگاہ میں انسانوں کی شفاعت کرنے والا ہے ۔
انہوں نے کہا: جو علم انسانوں کے لئے نفع بخش ہے وہ علم فقہ ہے کیوں کہ انسانی حیات کا ہر خشک و تر علم فقہ سے مربوط ہے اور وہ علم جو انسان کو بلندی عطا کرتا وہ علم نحو ہے نیز وہ علم جو انسان کو پستی کی جانب لے آتا ہے وہ علم نجوم ہے ۔/۹۸۸/ ن۹۷۸