رسا نیوز ایجنسی کی رپورٹ کے مطابق، ایرانی پارلیمنٹ میں خارجہ پالیسی اور قومی سلامتی کمیشن کے ایک رکن نوذر شفیعی نے عالم اسلام کو امریکی سازشوں سے ہوشیار رہنے کی تاکید کی ۔
نوذر شفیعی نے میڈیا سے گفتگو کرتے ہوئے کہا: پاکستان میں ہونیوالے دہشتگردانہ دھماکوں اور مسلمانوں کے خلاف سامراج کا سب سے بڑا ہتھکنڈا فرقہ واریت ہے جسے آج کل پاکستان ، افغانستان ، سعودی عرب ، بحرین اور شام میں مشاہدہ کیا جاسکتا ہے۔
انہوں نے سامراج کی اس سازش پر مسلمانوں کی لاپرواہی کو دشمنوں کی جانب سے ناجائز فائدہ اٹھانے کا باعث قرار دیتے ہوئے کہا : اس سے سامراج کے مقابلے میں مسلمانوں کی صلاحیتوں اور توانائیوں کا زوال ہوگا۔
ایرانی پارلیمنٹ میں خارجہ پالیسی کے رکن نےاسلامی مذاہب کے درمیان گفتگو کی راہ ہموار کرنے کی ضرورت پر تاکید کرتےہوئے کہا : اسلامی جمہوریہ ایران اس سلسلے میں پیش قدم ہو کر ایران کے خلاف اہل سنت بھائیوں کو بدظن کرنے پر مبنی مغربی میڈیا کی تشہیراتی مہم کو ناکام بنا سکتا ہے۔