رسا نیوز ایجنسی کی رپورٹ کے مطابق اسلامی جمہوریہ ایران کی سپاہ پاسداران انقلاب اسلامی جنرل محمدعلی جعفری نے ایران کے خلاف فوجی آپشن سے استفادے پر مبنی امریکی وزیر خارجہ جان کیری کے دھمکی آمیز دعوؤں پر شدید رد عمل کا اظھار کیا ۔
انہوں نے اس بات پر زور دیتے ہوئے کہ امریکہ کے سمجھدار افراد کو اسلامی جمہوریہ ایران کی فوجی توانائی کا مکمل علم ہے اور بعید معلوم ہوتا ہے کہ وہ اس بات کی اجازت دیں کہ امریکہ ، ایران کے خلاف مضحکہ خیز فوجی آپشن کو استعمال کرے کہا: اسلامی جمہوریہ ایران کی ملت کے پس اٹھ سالہ جنگ کا تجربہ موجود ہے اور وہ امریکی دہمکیوں اور اس ملک سے وابستہ فوجی طاقتوں سے نہیں ڈرتی ۔
جنرل جعفری نے یہ کہتے ہوئے کہ امریکہ کے سیاسی و سیکیورٹی ماہرین ، ایران کے لئے فوجی آپشن کو صرف میز پر رکھے رہنے کے لئے مناسب سمجھتے ہیں اور اس پر عمل درآمد کو امریکہ کی قومی سلامتی کے لئے مناسب نہیں سمجھتے کہا: ایران کے اسلامی انقلاب کے بعد کی تاریخ میں پیش آنے والے واقعات اس بات کا ثبوت ہیں کہ مغرب کی دہمکیاں ایران کے عوام اور دنیا میں اسلامی جمہوریہ کے اتحادیوں میں اتحاد و یکجہتی کا عامل قرار پاتی ہیں۔